MDH અને Everest મસાલાના સેવનથી કેન્સરનો ખતરો? સિંગાપોર બાદ વધુ એક દેશે લગાવ્યો પ્રતિબંધ

હોંગકોંગ સ્પેશિયલ એડમિનિસ્ટ્રેટિવ રિજનની સરકારના સેન્ટર ફોર ફૂડ સેફ્ટી (CFS) એ 5 એપ્રિલના રોજ જાહેરાત કરી હતી કે તેણે એક નિયમિત સર્વેલન્સ પ્રોગ્રામ દરમિયાન MDH ગ્રુપના ત્રણ મસાલા મિશ્રણો - મદ્રાસ કરી પાઉડર, સંભાર મસાલા પાવડર અને કરી પાઉડરમાં ઇથિલિન ઓક્સાઇડની હાજરી શોધી કાઢી હતી.

આ પણ વાંચો: ગુજરાત બોર્ડ ધો.10 અને 12ના રિઝલ્ટને લઇને મોટી અપડેટ, ગણતરીના દિવસોમાં જ જાહેર થશે પરિણામ

મસાલાની ચકાસણીમાં જંતુનાશક મળ્યા

CFS એ એક નિવેદનમાં જણાવ્યું હતું કે, "CFS એ નિયમિત ફૂડ સર્વેલન્સ પ્રોગ્રામના ભાગ રૂપે પરીક્ષણ માટે સિમ શા સુઈમાં ત્રણ રિટેલ આઉટલેટ્સમાંથી નમૂનાઓ એકત્રિત કર્યા હતા... પરીક્ષણ પરિણામો દર્શાવે છે કે નમૂનાઓમાં જંતુનાશક ઇથિલિન ઓક્સાઇડ હાજર હતો... CFS આ અનિયમિતતાઓ વિશે સંબંધિત વિક્રેતાઓને જાણ કરી, અને તેઓને આ ઉત્પાદનોનું વેચાણ બંધ કરવા અને તેમના શેલ્ફમાંથી તેને દૂર કરવા નિર્દેશ આપવામાં આવ્યો છે..."

આ ઉપરાંત એવરેસ્ટ ગ્રુપના ફિશ કરી મસાલામાં પણ જંતુનાશક દવાઓ મળી આવી છે. ઇન્ટરનેશનલ એજન્સી ફોર રિસર્ચ ઓન કેન્સર દ્વારા ગ્રુપ 1 કાર્સિનોજેનના રૂપમાં વર્ગીકૃત કરાયેલ ઇથિલિન ઓક્સાઇડ, સ્તન કેન્સરના જોખમ સહિત ગંભીર આરોગ્ય જોખમો ઉભી કરે છે.

જાહેર આરોગ્યની સુરક્ષાને જોતા મસાલા હટાવવાનો આદેશ

આ તારણોના જવાબમાં, હોંગકોંગ અને સિંગાપોરે જાહેર આરોગ્યની સુરક્ષા માટે પગલાં લીધાં છે. સમાન પગલામાં, સિંગાપોરે સલામત સ્તરથી ઉપર જંતુનાશકોની હાજરીને ટાંકીને એવરેસ્ટ ઉત્પાદનોને દૂર કરવાનો આદેશ આપ્યો છે.

આ પણ વાંચો: Salman Khan ના ઘરની બહાર ફાયરિંગ કેસમાં સુરત કનેક્શન, તાત્કાલિક દોડી આવી મુંબઈ ક્રાઈમ બ્રાન્ચની ટીમ

આ પહેલીવાર નથી કે જ્યારે કોઈ ભારતીય મસાલા બ્રાન્ડને વિદેશમાં કાર્યવાહીનો સામનો કરવો પડ્યો હોય. 2023 માં, યુએસ ફૂડ એન્ડ ડ્રગ એડમિનિસ્ટ્રેશન (FDA) એ સાલ્મોનેલાની હાજરીને કારણે એવરેસ્ટ ઉત્પાદનોને દૂર કરવાનો આદેશ આપ્યો.

મસાલા કંપનીએ આપ્યું નિવેદન
આ મામલા બાદ મસાલા કંપની એવરેસ્ટનું નિવેદન આવ્યું છે. એવરેસ્ટે કહ્યું છે કે, "અમારી તમામ પ્રોડક્ટ્સ સખત પરીક્ષણ પછી જ બનાવવામાં આવે છે અને નિકાસ કરવામાં આવે છે. અમે સ્વચ્છતા અને ખાદ્ય સુરક્ષાના ધોરણોનું સખતપણે પાલન કરીએ છીએ. અમારા ઉત્પાદનો ભારતીય સ્પાઈસ બોર્ડ અને FSSI સહિત તમામ એજન્સીઓ દ્વારા પ્રમાણિત છે."