મેઘરાજા ખમૈયા કરો, સૌરાષ્ટ્ર-દક્ષિણ ગુજરાતના આ જિલ્લાઓમાં હજુ કમોસમી વરસાદની આગાહી

આજે સોમવારે ક્યાં વરસાદ પડી શકે?

હવામાન વિભાગ દ્વારા રાજ્યમાં આજે અરવલ્લી, ખેડા, પંચમહાલ, મહિસાગર, દાહોદ, છોટા ઉદેપુર, નર્મદા, સુરત તથા ભાવનગરમાં વરસાદની આગાહી કરવામાં આવી છે.આ ત્યારે ગઈકાલે રવિવારે પણ રાજ્યના 21 જેટલા તાલુકાઓમાં વરસાદ નોંધાયો હતો.

રવિવારે 21 તાલુકામાં વરસાદ

રાજ્યમાં છેલ્લા 24 કલાકમાં વરસાદની વાત કરીએ તો બાલાસિનોરમાં સવા ઈંચ, ગળતેશ્વરમાં પોણો ઈંચ અને લુણાવાડામાં પોણો ઈંચ વરસાદ નોંધાયો હતો. મોરબી-હડફમાં, વિજય નગર, ઠાસરામાં અડધો ઈંચ વરસાદ વરસ્યો હતો. નોંધનીય છે કે, ખેતરમાં ઊભા પાકને વરસાદે ધોઈ નાખતા ખેડૂતો માટે પડતા પર પાટુ જેવો ઘાટ સર્જાયો છે. મહિનાઓની મહેનત કલાકોના વરસાદે ધોઈ નાખતા જગતનો તાત ચોધાર આંસુએ રડી રહ્યો છે.

રાજ્યભરમાં કમોસમી વરસાદના કારણે ખેડૂતોને મોટું નુકસાન થયું છે. રાજ્ય સરકાર દ્વારા નુકસાનીનો સર્વે કરીને ખેડૂતોને વળતર આપવાની પણ વાત કહેવામાં આવી છે.