કોંગ્રેસ નેતા Radhika Khera એ પાર્ટી છોડી, કહ્યું- મારા અયોધ્યા જવાનો થયો વિરોધ

Congress's Radhika Khera quits party: લોકસભા ચૂંટણી વચ્ચે કોંગ્રેસને વધુ એક ઝટકો લાગ્યો છે. છત્તીસગઢ કોંગ્રેસના નેતા રાધિકા ખેડાએ રાજીનામું આપી દીધું છે. તેમણે કહ્યું કે આજે ખૂબ જ પીડા સાથે હું પાર્ટીના પ્રાથમિક સભ્યપદેથી રાજીનામું આપી રહી છું.  રાધિકા ખેડાએ પોતાના રાજીનામા પત્રમાં લખ્યું છે કે, દરેક હિંદુ માટે ભગવાન શ્રી રામનું જન્મસ્થળ તેની પવિત્રતા સાથે ઘણું મહત્વ ધરાવે છે. દરેક હિંદુ માત્ર રામલલાના દર્શન કરીને પોતાનું જીવન સફળ માને છે, પરંતુ કેટલાક લોકો તેનો વિરોધ કરી રહ્યા છે. આ કારણે તેમણે રાજીનામું આપ્યું હોવાની વાત મળી રહી છે.