IPL Playoffs: IPL પ્લેઓફની પ્રથમ ટીમ આ અઠવાડિયે થશે નક્કી! જાણો રેસમાં કોણ આગળ

IPL Playoffs Scenario 2024: ઈન્ડિયન પ્રીમિયર લીગ (IPL) 2024 સીઝન હવે તેની રોમાંચક મેચો સાથે પ્લેઓફ તરફ આગળ વધવાનું શરૂ કરી દીધું છે. આ માટે રાજસ્થાન રોયલ્સ (RR) સહિત 7 ટીમોએ પોતાનો દાવો રજૂ કર્યો છે. જ્યારે સંજુ સેમસનની કપ્તાનીમાં રાજસ્થાન એકમાત્ર એવી ટીમ છે જે પ્લેઓફની રેસ માટે અત્યારે સૌથી આગળ ચાલે છે. આ સિવાય બાકીની 6 ટીમો હજુ પણ રેસમાં છે. તેમાં કોલકાતા નાઈટ રાઈડર્સ (KKR), સનરાઈઝર્સ હૈદરાબાદ (SRH), લખનૌ સુપર જાયન્ટ્સ (LSG), દિલ્હી કેપિટલ્સ (DC), ચેન્નાઈ સુપર કિંગ્સ (CSK) અને ગુજરાત ટાઇટન્સ (GT)નો સમાવેશ થાય છે.

કઈ હશે પ્લેઓફની પ્રથમ ટીમ?

પરંતુ આ બધાની વચ્ચે ફેન્સ માટે ટૂંક સમયમાં એક મોટા સમાચાર આવી શકે છે. IPLની આ સિઝનમાં ટૂંક સમયમાં પ્રથમ પ્લેઓફ ટીમ જોવા મળી શકે છે. આ પ્રથમ ટીમ રાજસ્થાન રોયલ્સ હોઈ શકે છે. વાસ્તવમાં રાજસ્થાને અત્યાર સુધી 9માંથી 8 મેચ જીતી છે. આ સાથે આ ટીમના હવે 16 પોઈન્ટ થઈ ગયા છે. હવે જો રાજસ્થાનની ટીમ તેની આગામી મેચ જીતી જશે તો તેનું પ્લેઓફમાં સ્થાન નિશ્ચિત થઈ જશે. જો કે 16 પોઈન્ટ સાથે પણ સ્થાન કન્ફર્મ ગણી શકાય, પરંતુ નેટ રન રેટમાં ઘણો ફરક પડશે. 18 પોઈન્ટ સાથે પ્લેઓફની ટિકિટ કન્ફર્મ ગણવામાં આવે છે.

બોર્ડના પરિણામ પર ચૂંટણીનો ઓછાયો ડિગ્રી ઈજનેરીના પ્રવેશમાં કરશે વિલંબ? જાણો સંપૂર્ણ માહિતી

રાજસ્થાન આગામી મેચમાં હૈદરાબાદ સાથે ટકરાશે

રાજસ્થાનની ટીમની આગામી મેચ 2 મેના રોજ હૈદરાબાદ સામે થશે. જો સંજુની કપ્તાનીવાળી RR ટીમ આ મેચ જીતી જાય છે, તો IPL 2024 સીઝનની પ્રથમ પ્લેઓફ ટીમ આ દિવસે મળી જશે. રાજસ્થાન સિવાય અન્ય ટીમોના પોઈન્ટ હજુ 12 સુધી પહોંચ્યા નથી. આવી સ્થિતિમાં બીજી પ્લેઓફ ટીમ શોધવામાં થોડો સમય લાગશે. ચેન્નાઈને પણ 2 મે પહેલા એક મેચ રમવાની છે. જો તેઓ પંજાબ કિંગ્સ (PBKS) સામે તેમની આગામી મેચ જીતે તો તેમના 12 પોઈન્ટ હશે.

RCB લગભગ બહાર, MI-પંજાબની પણ હાલત ખરાબ

આ સિઝનમાં રોયલ ચેલેન્જર્સ બેંગ્લોર (RCB) ટીમની હાલત ઘણી ખરાબ રહી છે. તેણે અત્યાર સુધી 10માંથી માત્ર 3 મેચ જીતી છે. RCB પોઈન્ટ ટેબલમાં સૌથી નીચે એટલે કે 10મા ક્રમે છે. જો RCB તેની બાકીની તમામ 4 મેચ જીતી લે તો પણ તેના માટે પ્લેઓફમાં પહોંચવું અશક્ય બની જશે.વાસ્તવમાં આઈપીએલમાં 2022ની સીઝનથી 10 ટીમો રમી રહી છે. ત્યારથી અત્યાર સુધી કોઈપણ ટીમ 14 પોઈન્ટ સાથે પ્લેઓફમાં પહોંચી નથી. તળિયે એટલે કે ચોથા સ્થાને રહેલી ટીમના પણ 16 પોઈન્ટ છે. આવી સ્થિતિમાં, RCB ટીમના પ્લેઓફમાં પહોંચવાની શક્યતા ઓછી દેખાઈ રહી છે.

બીજી તરફ મુંબઈ ઈન્ડિયન્સ (MI) અને પંજાબ કિંગ્સ (PBKS)ની હાલત પણ આવી જ છે. આ બંને ટીમો 9 મેચ રમી હતી જેમાંથી 3 મેચ જીતી હતી. એટલે કે તેમની પાસે RCB કરતાં એક મેચ વધુ છે. પરંતુ મુંબઈ અને પંજાબ માટે પડકાર એ રહેશે કે તેણે તમામ મેચ જીતવી પડશે. એક મેચ પણ હારવાથી RCB જેવી સ્થિતિ સર્જાશે.