ડેડીયાપાડા વિધાનસભામાં સામોત ગામે કર્યો મતદાનનો બહિષ્કાર, તંત્રની વધી ચિંતા

નરેન્દ્ર પેપરવાલા, નર્મદા: ગુજરાતમાં આજે પ્રથમ તબક્કાનું મતદાન શરૂ થઈ ગયું છે. પ્રથમ તબક્કામાં 788 ઉમેદવારો મેદાનમાં ઉતર્યા છે, ત્યારે સાંજે 5 વાગ્યા સુધીમાં તેમનું ભાવી EVMમાં કેદ થશે. ત્યારે આજે ગુજરાતની ચૂંટણીને લઈ રાજકીય માહોલ ગરમ છે. પ્રથમ તબક્કાની ચૂંટણી માટે મતદાનની પ્રક્રિયા તેજ કરવા તંત્ર માંથી રહ્યું છે. આ દરમિયાન ડેડીયાપાડા વિધાનસભા મત વિસ્તારમાં આવતા સામોત ગ્રામજનોનો ચૂંટણી બહિષ્કાર કર્યો છે અને અત્યાર સુધીમાં ગામમાંથી એક પણ મતદારે મતદાન નથી કર્યું.

આપી હતી ચીમકી
ડેડીયાપાડા વિધાનસભાની બેઠક માટે ડેડીયાપાડા તાલુકાના સમોટ ગામના ગ્રામજનોએ પોતાના ગામનો પ્રશ્ન નહીં ઉકેલાતા ચૂંટણી બહિષ્કારની ચીમકી આપી હતી. ત્યારે આજે 1 વાગ્યા સુધી ગ્રામ જનો મતદાનથી દૂર રહ્યા છે. ગામમાં 1000 જેટલા મતદારો હોવા છતાં હજુ સુધી કોઈએ મતદાન કર્યું નથી. પોતાની માંગ પર અડગ રહ્યા છે અને કોઈએ મતદાન ન કરતાં તંત્રની મુશ્કેલીમાં વધારો થયો છે.  ગામમાં પ્રાથમિક સુવિધા ના અભાવ ના કારણે મતદાન કરવામાં આવ્યું નથી.