Lok Sabha Election 2024: ત્રીજા તબક્કાના મતદાનના દિવસે ક્યાં-ક્યાં શાળા-કોલેજો રહેશે બંધ, જુઓ આખી યાદી

Lok Sabha Election 2024: લોકસભા ચૂંટણી 2024માં બે તબક્કામાં મતદાન પૂર્ણ થઈ ચૂક્યું છે, તો ત્રીજા તબક્કા માટે પ્રચાર તેજ થઈ ગયો છે. ત્રીજા તબક્કાની ચૂંટણી 7 મેના રોજ યોજાવાની છે. તેને શાંતિપૂર્ણ રીતે સંપન્ન કરાવવા માટે ચૂંટણી પંચે ત્રીજા તબક્કાની તમામ લોકસભા બેઠકો પર સુરક્ષા વ્યવસ્થા મજબૂત કરી છે. ત્રીજા તબક્કામાં 12 રાજ્યો અને 1 કેન્દ્રશાસિત પ્રદેશની 94 બેઠકો પર મતદાન થશે.

આ તબક્કામાં આસામ, બિહાર, છત્તીસગઢ, ગોવા, ગુજરાત, કર્ણાટક, મધ્યપ્રદેશ, મહારાષ્ટ્ર, ઉત્તર પ્રદેશ, પશ્ચિમ બંગાળ, દાદરા નગર હવેલી, દમણ અને દીવ અને જમ્મુ-કાશ્મીરમાં મતદાન થવાનું છે. ત્રીજા તબક્કામાં જ્યાં પણ મતદાન થવાનું છે ત્યાં શાળા-કોલેજો બંધ રહેશે.

- આસામની ધુબરી, કોકરાઝાર, બરપેટા અને ગુવાહાટી સીટ પર ત્રીજા તબક્કામાં મતદાન થવાનું છે,  અહીં મતદાનના દિવસે દરમિયાન શાળાઓ અને કોલેજો બંધ રહેશે.

- બિહારમાં ઝાંઝરપુર, સુપૌલ, અરરિયા, મધેપુરા અને ખગરિયા સીટ પર મતદાન દરમિયાન શૈક્ષણિક સંસ્થાઓ બંધ રહેશે.

- છત્તીસગઢમાં સુરગુજા, રાયગઢ, કોરબા, બિલાસપુર, દુર્ગ અને જાંજગીર-ચંપામાં પણ શાળાઓ અને કોલેજો બંધ રહેશે.

- ઉત્તર ગોવા (નોર્થ ગોવા) અને દક્ષિણ ગોવા (સાઉથ ગોવા)માં મતદાન દરમિયાન શાળા અને કોલેજોમાં રજા રહેશે.

- ગુજરાતમાં કચ્છ, બનાસકાંઠા, પાટણ, મહેસાણા, સાબરકાંઠા, ગાંધીનગર, અમદાવાદ પૂર્વ, અમદાવાદ પશ્ચિમ, સુરેન્દ્રનગર, રાજકોટ, પોરબંદર, જામનગર, જૂનાગઢ, અમરેલી, ભાવનગર, આણંદ, ખેડા, પંચમહાલ, દાહોદ, વડોદરા, છોટા ઉદેપુર, ભરૂચ, બારડોલી, સુરત, નવસારી અને વલસાડમાં ત્રીજા તબક્કાનું મતદાન થશે, અહીં આ સમયગાળા દરમિયાન શાળા-કોલેજો બંધ રહેશે.

- કર્ણાટકમાં ચિક્કોડી, બેલગામ, બાગલકોટ, બીજાપુર, ગુલબર્ગા, રાયચુર, બિદર, કોપ્પલ, બેલ્લારી, હાવેરી, ધારવાડ, ઉત્તરા કન્નડ, દાવનગેરી અને શિવમોગામાં પણ શાળાઓ બંધ રહેશે.

- મધ્યપ્રદેશના ભિંડ, ભોપાલ, ગુના, ગ્વાલિયર, મોરેના, રાજગઢ, સાગર, વિદિશામાં મતદાન દરમિયાન શાળાઓ અને કોલેજો ખુલશે નહીં.

- મહારાષ્ટ્રમાં બારામતી, રાયગઢ, ઉસ્માનાબાદ, લાતુર, સોલાપુર, માધા, સાંગલી, સતારા, રત્નાગીરી-સિંધુદુર્ગ, કોલ્હાપુર અને હાટકનાંગલેમાં મતદાનને કારણે શાળાઓ અને કોલેજો ખુલશે નહીં.

- ઉત્તર પ્રદેશમાં સંભલ, હાથરસ, આગ્રા, ફતેહપુર સીકરી, ફિરોઝાબાદ, મૈનપુરી, એટાહ, બદાયું, બરેલી અને આમલામાં મતદાનને કારણે શાળાઓ બંધ રહેશે.

- પશ્ચિમ બંગાળના માલદા ઉત્તર, માલદા દક્ષિણ, જાંગીપુર અને મુર્શિદાબાદમાં શૈક્ષણિક સંસ્થાઓ માટે રજા રહેશે.

- ત્રીજા તબક્કાના મતદાન દરમિયાન દાદર અને નગર હવેલી, દમણ અને દીવમાં પણ શાળાઓ બંધ રહેશે.

- જમ્મુ-કાશ્મીરમાં અનંતનાગ-રાજૌરીમાં પણ ત્રીજા તબક્કામાં મતદાન થશે, જેના કારણે શાળા-કોલેજો ખુલશે નહીં.