Breaking: ભારતીય ક્રિકેટના સિક્સરના બેતાજ બાદશાહ સલીમ દુરાનીનું નિધન, જામનગરમાં લીધા અંતિમ શ્વાસ

ભારતીય ક્રિકેટના એક સમયના સિકસરના બેતાજ બાદશાહ ગણાતા ઓલરાઉન્ડર સલીમ દુરાનીનો જન્મ તારીખ 11 ડિસેમ્બર 1934ના રોજ અફઘાનિસ્તાનના કાબુલમાં થયો હતો. અને વર્ષોથી ભારતમાં વસવાટ કરતા હતા. જેઓ હાલ જામનગરમાં જ રહેતા હતા. ત્યારે લાંબી બીમારી બાદ આજે તેમણે જામનગરમાં અંતિમ શ્વાસ લીધા છે.

પબ્લિક ડિમાન્ડ પર લગાવતા હતા સિક્સર
કહેવાય છે કે સલીમ દુર્રાની સિક્સર મારવામાં એટલો માહેર હતા કે ભીડમાં જો કોઈ દર્શક તેમને સિક્સ મારવાનું કહે તો તે ત્યાં સિક્સર ફટકારતાં હતા. તે પબ્લિક ડિમાન્ડ પર સિક્સર મારવા માટે જાણીતા હતા. સલીમ દુર્રાની બેટિંગની સાથે આક્રમક બોલિંગ પણ કરતા હતા. તેણે અનેક વખત બોલિંગ કરીને ભારતને મેચમાં વાપસી કરાવી છે. એવો સમય હતો જ્યારે ભારતીય ટીમ તેના પર નિર્ભર રહેતી હતી.

પ્રથમ અર્જુન એવોર્ડ મેળવ્યો હતો
1961માં ભારત સરકારનો સૌપ્રથમ અર્જુન ઍવૉર્ડ પ્રાપ્ત કર્યો અને 2011માં બીસીસીઆઈનો લાઇફ ટાઇમ અચીવમેન્ટ ઍવૉર્ડ પણ હાંસલ કર્યો અને આવા જ આત્મવિશ્વાસ સાથે સલીમ દુરાની આજે 87 વર્ષની વયે જામનગરમાં ‘બેફિકર’ જીવન પસાર કરી રહ્યા છે, મિત્રોને મળી રહ્યા છે.

એક સમય તો તેમને ટેસ્ટ મેચમાં દર્શકો ને લીધે લેવા પડ્યા
પૂર્વ ક્રિકેટર સલીમ દુર્રાનીને એક સમયે સિલેક્શન ટીમ દ્વારા ટેસ્ટ મેચમાં ન લેવાતા, સ્ટેડિયમમાં હાજર દર્શકો સહિત લોકોએ સૂત્રો બોલી વિરોધ દર્શાવ્યો હતો. જેમાં દર્શકો એ સૂત્રો બોલ્યા હતા કે, નો દુર્રાની નો ટેસ્ટ. આ સૂત્રો અને વિરોધ ને જોતા સિલેક્શન ટીમે પણ નમતું જોઈ સલીમ દુર્રાનીને ટેસ્ટ મેચમાં સિલેક્ટ કર્યા હતા. જો કે, એ ટેસ્ટ મેચમાં પણ સલીમ દુર્રાનીએ 78 રન અને 4 વિકેટ લઈ સિલેક્શન ટીમના મોં સીવી આપ્યા હતા.

વડાપ્રધાન મોદીએ પાઠવી શ્રદ્ધાંજલિ
વડાપ્રધાન નરેન્દ્ર મોદીએ સલીમ દુરાનીના અવસાન પર શોક વ્યક્ત કર્યો હતો. તેમણે કહ્યું હતું કે, સલીમ દુરાનીજી ક્રિકેટના દિગ્ગજ હતા, પોતાનામાં એક સંસ્થા હતા. તેણે ક્રિકેટની દુનિયામાં ભારતના ઉદયમાં મહત્ત્વનું યોગદાન આપ્યું હતું. મેદાન પર અને મેદાનની બહાર તે પોતાની સ્ટાઈલ માટે જાણીતા હતા. તેમના નિધનથી દુઃખી. તેમના પરિવાર અને મિત્રો પ્રત્યે સંવેદના. તેમની આત્માને શાંતિ મળે.

Salim Durani Ji was a cricketing legend, an institution in himself. He made a key contribution to India’s rise in the world of cricket. On and off the field, he was known for his style. Pained by his demise. Condolences to his family and friends. May his soul rest in peace.

— Narendra Modi (@narendramodi) April 2, 2023