બાયડમાં CNG ગેસ સપ્લાય ટ્રક કાળ બની ફરી વળ્યો, 2 બાળકો સહિત 4 ના મોત

રાજ્યમાં રવિવાર આજે ગોઝારો બન્યો છે. ગેસના સિલિન્ડર ભરેલા ટ્રકે બાઇકને ટક્કર મારી હતી જેમાં બાયડ પાસેના ગાબટ રોડ પર અકસ્માતમાં એક પરિવારનો માળો વિખેરાયો છે. એક જ પરિવારના ચાર લોકોના મોત થયા છે. ત્યારે આ સમગ્ર ઘટનાને લઈ પોલીસ ઘટના સ્થળે પહોંચી હતી અને ગુનો નોંધીને આગળની કાર્યવાહી હાથ ધરી છે.આ અકસ્માતને લઈ લોકોના ટોળેટોળા ઉમટી પડ્યા હતા. ત્યારે એક જ પરિવારના ચાર લોકોના મોતને લઈ પંથંકમાં શોક વ્યાપી ગયો છે.

પોલીસ કાફલો ઘટના સ્થળે 
રવિવારની વહેલી સવારે બાયડ શહેરનો ગાબટ રોડ મોતની ચિચિયારીઓથી ગુંજી ઊઠ્યો હતો. વહેલી સવારે CNG સપ્લાય કરતા ટ્રકે બાઈકને અડફેટે લેતા અકસ્માત સર્જાયો હતો. જેમાં બાઈક સવાર 2 બાળકો સહિત 4 લોકોના મોત નિપજ્યા હતાં. આ અંગેની જાણ થતાં બાયડ પોલીસનો કાફલો ઘટના સ્થળે પહોંચ્યો હતો. ત્યારે આ મામલો પોલીસે તપાસનો ધમધમાટ શરુ કર્યો છે.

આ પણ વાંચો: એક દાયકાથી વધુ સમયથી પોલીસને હંફાવનારને અમદાવાદ ક્રાઇમ બ્રાન્ચે ઝડપી પાડયા, 13 વર્ષે પૂર્વે કરી હતી હત્યા

પરિવારનો માળો વિખેરી નાખ્યો
બાયડ શહેરમાં સીએનજી સપ્લાય GJ 01 CV 9102 નંબરની ટ્રકે બાઈકને GJ 09 CS 4621 નંબરની ટક્કર મારતા એક જ પરિવારનો માળો વિખેરી નાખતા ચકચાર મચી જવા પામ્યો છે. પ્રાથમિક તારણમાં ટ્રક ચાલકે અચાનક જ સ્ટિયરિંગ પરથી કાબૂ ગુમાવી દીધો હતો. જેને લઈને માર્ગ પર તે બેફામ ચાલી રહી હતી.
(વિથ ઈનપુટ: હિતેશ સુતરીયા, અરવલ્લી)

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…