હવે આ 23 'ખતરનાક' બ્રીડના શ્વાન નહીં પાળી શકો, કેન્દ્રએ રાજ્યોને પ્રતિબંધ લગાવવા નિર્દેશ આપ્યા

Dog Breed Banned: પાલતુ પ્રાણીઓના હુમલાની વધતી ઘટનાઓને ધ્યાનમાં રાખીને કેન્દ્ર સરકારે રાજ્યોને પિટબુલ ટેરિયર, અમેરિકન બુલડોગ, રોટવેઇલર અને માસ્ટિફ્સ સહિત 23 બ્રીડના આક્રમક શ્વાનના વેચાણ અને સંવર્ધન પર પ્રતિબંધ મૂકવાનો નિર્દેશ આપ્યો છે. રાજ્યો અને કેન્દ્રશાસિત પ્રદેશોને જારી કરવામાં આવેલી સૂચનાઓમાં લોકોને 23 શ્વાનની બ્રીડ પાળતુ પ્રાણી તરીકે રાખવા પર પ્રતિબંધ છે. આટલું જ નહીં, કેન્દ્રએ એ પણ નિર્દેશ આપ્યો છે કે જેમની પાસે આમાંથી કોઈ પણ બ્રીડના પાલતુ શ્વાન છે, તેમનું આગળ પ્રજનન ન થાય તેવી વ્યવસ્થા કરવામાં આવે.