લોકસભા ચૂંટણી પહેલા નરેન્દ્ર મોદી સ્ટેડિયમનું નામ બદલાયું? સરકારે ગણાવ્યું 'સરદાર પટેલ સ્ટેડિયમ'

Narendra Modi Stadium: શું ગુજરાત સરકારે અમદાવાદના મોટેરામાં આવેલા નરેન્દ્ર મોદી સ્ટેડિયમનું નામ બદલી નાખ્યું છે? આ સવાલ એટલા માટે થઈ રહ્યો છે કારણ કે તાજેતરમાં યુથ ઓલિમ્પિક 2029 અને ઓલિમ્પિક 2036ના આયોજન પર તૈયારી અંગે માહિતી ખાતાની પ્રેસનોટ બહાર આવી હતી. આ પ્રેસનોટમાં નરેન્દ્ર મોદી સ્ટેડિયમની જગ્યાએ સરદાર પટેલ સ્ટેડિયમનો ઉલ્લેખ કરવામાં આવ્યો છે. 

આ પણ વાંચો: Amitabh Bachchan મુંબઈની કોકિલાબેન હોસ્પિટલમાં દાખલ, સવારે કરાઈ એન્જીયોપ્લાસ્ટી સર્જરી

માહિતી ખાતાની પ્રેસ નોટમાં બદલાયું સ્ટેડિયમનું નામ

નવજીવન ન્યૂઝના અહેવાલ મુજબ, ગત બુધવારના રોજ મુખ્યમંત્રી ભૂપેન્દ્ર પટેલની અધ્યક્ષતામાં ઉચ્ચ સ્તરીય બેઠકનું આયોજન કરવામાં આવ્યું હતું. જેમાં યુથ ઓલિમ્પિક 2029 અને ઓલિમ્પિક 2036ને લઈને અમદાવાદમાં આયોજન અંગે ચર્ચા-વિચારણા કરવામાં આવી હતી. આ બાદ રાજ્ય સરકારના માહિતી ખાતા દ્વારા પ્રેસ નોટ બહાર પાડીને આ અંગે જાણકારી આપવામાં આવી હતી.