NEET-UG 2024: શું NEET પરીક્ષાનું પેપર થયું લીક? બિહારથી રાજસ્થાન સુધી હંગામો, NTA ની સ્પષ્ટતા...

NEET UG 2024 paper leaked? : ગઈકાલે NEET UG પરીક્ષા દેશભરના વિવિધ પરીક્ષા કેન્દ્રો પર લેવામાં આવી હતી. આ દરમિયાન વિવિધ સ્થળોએથી અનેક ગેરરીતિઓના સમાચાર સામે આવ્યા હતા. પરંતુ રાજસ્થાનથી જે સમાચાર સામે આવ્યા છે તે તમને ચોંકાવી દે તેવા છે. વાસ્તવમાં, રાજસ્થાનના એક પરીક્ષા કેન્દ્ર પર ઉમેદવારોને ખોટા પ્રશ્નપત્રોનું વિતરણ કરવામાં આવ્યું હતું. અંગ્રેજી માધ્યમનું પેપર હિન્દી માધ્યમના ઉમેદવારોને અને હિન્દી માધ્યમના પેપરનું અંગ્રેજી માધ્યમના ઉમેદવારોને વિતરણ કરવામાં આવ્યું હતું. વિદ્યાર્થીઓએ આ બાબતે પોતાનો વાંધો નોંધાવ્યો હતો અને તેમના પ્રશ્નપત્રો સાથે પરીક્ષા કેન્દ્રની બહાર નીકળી ગયા હતા. મામલો સવાઈ માધોપુરના આદર્શ વિદ્યા મંદિર પરીક્ષા કેન્દ્રનો છે.

શું છે પેપર લીકનો મામલો?

જેના પર હવે નેશનલ ટેસ્ટિંગ એજન્સી (NTA) એ પ્રતિક્રિયા આપી છે અને તેમણે જણાવ્યું કે રાજસ્થાનમાં NEET પરીક્ષા કેન્દ્રમાં રવિવારે ખોટા પ્રશ્નપત્રો વિતરિત થવાને કારણે કેટલાક ઉમેદવારો પ્રશ્નપત્ર લઈને બહાર નીકળી ગયા હતા. એજન્સીએ દાવો કર્યો હતો કે, પરીક્ષા પ્રક્રિયાની અખંડિતતા સાથે ચેડા કરવામાં આવ્યા નથી અને પેપર લીકની વાતોને સંપૂર્ણપણે નકારી દીધી છે. NTA ના વરિષ્ઠ નિર્દેશક સાધના પરાશરે જણાવ્યું હતું કે કેન્દ્રમાં 120 અસરગ્રસ્ત ઉમેદવારો માટે પરીક્ષા પછીથી ફરીથી હાથ ધરવામાં આવી હતી. NTA સૂત્રોના જણાવ્યા અનુસાર, કેટલાક ઉમેદવારોને તેમની પસંદગીની ભાષા સિવાય અન્ય ભાષાઓમાં પ્રશ્નપત્રો વહેંચવામાં આવ્યા હતા, જેના કારણે તેઓ કેન્દ્રની બહાર નીકળી ગયા હતા.

Bank Of Baroda Bharti: બેંક ઓફ બરોડામાં ભરતી પ્રક્રિયા શરૂ, જુઓ પગારથી માંડીને તમામ જાણકારી

NTA દ્વારા કરવામાં આવી અધિકારીક સ્પષ્ટતા

NTAના એક અધિકારીએ જણાવ્યું હતું કે,  NEET-UG પરીક્ષા દરમિયાન ગર્લ્સ હાયર સેકન્ડરી મોડલ સ્કૂલ, મેનટાઉન, સવાઈ માધોપુર ખાતે, કેન્દ્ર અધિક્ષક દ્વારા પ્રશ્નપત્રોના ખોટા વિતરણની ઘટના બની હતી. નિરીક્ષકો દ્વારા તેને રોકવાના પ્રયાસો છતાં, કેટલાક ઉમેદવારો પ્રશ્નપત્રો સાથે પરીક્ષા કેન્દ્ર છોડી ગયા નીકળી ગયા હતા. તમામ ઉમેદવારો માટે નિષ્પક્ષતા અને સમાન તકના સિદ્ધાંતોને જાળવી રાખવા માટે NTA એ સક્રિય પગલાં લીધાં છે. કેન્દ્ર પર આશરે 120 અસરગ્રસ્ત ઉમેદવારોની પરીક્ષા આજે લેવામાં આવી રહી છે, તેની ખાતરી કરીને કે તેમની શૈક્ષણિક આકાંક્ષાઓ આ ઘટના દ્વારા અવરોધાય નહીં. કેટલીક સોશિયલ મીડિયા પોસ્ટમાં પ્રશ્નપત્ર લીક થયાનો આક્ષેપ કરવામાં આવ્યો હતો, જોકે NTAએ લીક થવાની કોઈ શક્યતાને નકારી કાઢી હતી.

'હેલ્લો! શું તમે કોરોના વેક્સિન લીધી છે?' બેંક એકાઉન્ટ ખાલી કરી નાખશે આ કૉલ

કેટલા વિદ્યાર્થીઓએ આપી હતી પરીક્ષા?

આ વર્ષે, નેશનલ એલિજિબિલિટી-કમ-એન્ટ્રન્સ ટેસ્ટ - અંડરગ્રેજ્યુએટ (NEET-UG) માટે રેકોર્ડ 23 લાખ ઉમેદવારોએ નોંધણી કરાવી હતી, જેમાંથી 10 લાખથી વધુ પુરુષ વિદ્યાર્થીઓ, 13 લાખથી વધુ છોકરીઓ અને 24 અન્ય વિદ્યાર્થીઓ  હેઠળ નોંધાયેલા હતા. ઉત્તર પ્રદેશમાં સૌથી વધુ 3,39,125 ઉમેદવારો નોંધાયા છે, ત્યારબાદ મહારાષ્ટ્રમાં 2,79,904 અને રાજસ્થાનમાં 1,96,139 ઉમેદવારો નોંધાયા છે. ગુજરાતમાં 80,000 થી વધુ વિદ્યાર્થીઓએ નોંધણી કરી હતી. 2023માં, કુલ 20,87,449 ઉમેદવારોએ NEET-UG માટે નોંધણી કરાવી હતી અને પરીક્ષા 7 મેના રોજ યોજાઈ હતી. NTAએ પરીક્ષામાં 97.7 ટકા હાજરી નોંધાવી હતી.