IND vs ENG Test: 'બેઝબોલ' ફ્લોપ, ભારતે ત્રણ દિવસમાં ધર્મશાળા ટેસ્ટ જીતી, સીરિઝ 4-1થી કબ્જે કરી

આ પણ વાંચો: બેંક કર્મચારીઓને દર વર્ષે પગારમાં 17 ટકાનો વધારો મળશે, સપ્તાહમાં 5 દિવસ કામને લઈને પણ ખબર આવી

'બેઝબોલ' ફરી ફ્લોપ

ઇંગ્લેન્ડ તરફથી બીજી ઇનિંગમાં જો રૂટે સૌથી વધુ રન બનાવ્યા હતા. તેણે 84 રનની ઇનિંગ રમી હતી. પરંતુ બ્રિટિશ ટોપ ઓર્ડર ફરીથી ખરાબ રીતે ફ્લોપ થયો. ઓપનર જેક ક્રાઉલી એકપણ રન બનાવ્યા વગર રવિ અશ્વિનના બોલ પર આઉટ થયો હતો. બેન ડકેટ 2 રન બનાવીને આઉટ થયો હતો. ઓલી પોપ 19 રન બનાવીને પેવેલિયન ગયો હતો. જોકે, જોની બેયરસ્ટોએ 39 રનની ટૂંકી પરંતુ સારી ઇનિંગ રમી હતી. ઇંગ્લિશ કેપ્ટન બેન સ્ટોક્સ 2 રન બનાવીને આઉટ થયો હતો. ત્યારબાદ બેન ફોક્સ રવિ અશ્વિનના હાથે સસ્તામાં બોલ્ડ થયો હતો.

રવિ અશ્વિન 100મી ટેસ્ટમાં ચમક્યો

બીજી ઈનિંગમાં ભારત તરફથી રવિ અશ્વિન સૌથી સફળ બોલર રહ્યો હતો. રવિ અશ્વિને 5 બેટ્સમેનોને આઉટ કર્યા હતા. જસપ્રીત બુમરાહ અને કુલદીપ યાદવને 2-2 સફળતા મળી છે. રવિન્દ્ર જાડેજાએ શોએબ બશીરને આઉટ કર્યો હતો.

આ પણ વાંચો: 'ભારતના બહિષ્કારથી અમારા ટુરિઝમની સ્થિતિ ખરાબ', Maldives ના પૂર્વ રાષ્ટ્રપતિએ માંગી માફી

પ્રથમ ટેસ્ટમાં હાર બાદ જબરદસ્ત વળતો પ્રહાર

આ રીતે ભારતે 5 ટેસ્ટ મેચની શ્રેણી 4-1થી જીતી લીધી છે. જો કે આ શ્રેણીની શરૂઆત ભારત માટે સારી રહી ન હતી. ઈંગ્લેન્ડે ભારતને પ્રથમ ટેસ્ટમાં હરાવ્યું હતું, પરંતુ આ પછી ટીમ ઈન્ડિયાએ શાનદાર વાપસી કરી હતી. વિશાખાપટ્ટનમ પછી ભારતે રાજકોટ, રાંચી અને ધર્મશાળામાં અંગ્રેજોને સરળતાથી હરાવ્યાં.

રોહિત શર્મા અને શુભમન ગિલે સદી ફટકારી હતી

ભારતીય ટીમે પ્રથમ દાવમાં 477 રન બનાવ્યા હતા. આ રીતે ભારતને 259 રનની મોટી લીડ મળી હતી. ભારત તરફથી રોહિત શર્મા અને શુભમન ગીલે સદી ફટકારી હતી. રોહિત શર્માએ 103 રન બનાવ્યા હતા. જ્યારે શુભમન ગીલે 110 રનનું યોગદાન આપ્યું હતું. આ સિવાય દેવદત્ત પડીકલ અને સરફરાઝ ખાને ફિફ્ટી બનાવી હતી. ઈંગ્લેન્ડ તરફથી શોએબ બશીર સૌથી સફળ બોલર રહ્યો હતો. શોએબ બશીરને 5 સફળતા મળી. જેમ્સ એન્ડરસન અને ટોમ હાર્ટલીએ 1-1 વિકેટ લીધી હતી. બેન સ્ટોક્સે રોહિત શર્માને આઉટ કર્યો હતો.

આ પણ વાંચો: Rajkot: 2 ભાજપ મહિલા નેતાના પતિએ ગરીબોના 20 ફ્લેટ પચાવી પાડ્યા? મહાકૌભાંડનો આક્ષેપ

ભારતીય સ્પિનરો સામે ઇંગ્લિશ બેટ્સમેનો ફ્લોપ રહ્યા

ટોસ જીતીને પ્રથમ બેટિંગ કરવા આવેલી ઈંગ્લેન્ડે 218 રન બનાવ્યા હતા. ઈંગ્લેન્ડ તરફથી ઓપનર જેક ક્રાઉલીએ સૌથી વધુ 79 રન બનાવ્યા હતા. પરંતુ આ સિવાય કોઈપણ ઈંગ્લિશ બેટ્સમેન પચાસ રનનો આંકડો પાર કરી શક્યો નહોતો. પ્રથમ દાવમાં ભારત માટે કુલદીપ યાદવ સૌથી સફળ બોલર રહ્યો હતો. કુલદીપ યાદવે 5 વિકેટ લીધી હતી. રવિ અશ્વિનને 4 સફળતા મળી. રવિન્દ્ર જાડેજાએ જો રૂટને આઉટ કર્યો હતો.