BIG BREAKING: Paris Olympic માં ભારતના ખાતામાં વધુ એક મેડલ, શૂટિંગમાં મનુ ભાકર-સરબજીતની જોડી ચમકી

શૂટિંગમાં ભારતે જીત્યો વધુ એક મેડલ

ભારતના મનુ ભાકર અને સરબજોત સિંહે દક્ષિણ કોરિયાના ઓહ યે જીન અને લી વોન્હોને હરાવીને 10 મીટર એર પિસ્તોલની મિક્સ ટીમ ઈવેન્ટમાં બ્રોન્ઝ મેડલ જીત્યો હતો. બંનેએ આ મેચ 16-10થી જીતી હતી. PM મોદીએ ટ્વીટ કરીને ભારતની આ જીત પર મનુ ભાકર અને સરબજોતસિંહને અભિનંદન પાઠવ્યા હતા.

મનુ ભાકર ઓલિમ્પિકમાં બે મેડલ જીતનારી પહેલી ભારતીય મહિલા

મનુ ભાકરે પેરિસ ઓલિમ્પિક 2024માં બીજો મેડલ જીતીને ઈતિહાસ રચ્યો હતો. આ વખતે મનુ ભાકરે 10 મીટર એર પિસ્તોલ મિક્સ્ડ ટીમ ઈવેન્ટમાં બ્રોન્ઝ જીત્યો હતો. આ ઈવેન્ટમાં મનુની સાથે સરબજોત સિંહ તેની ટીમમાં સામેલ હતો. આઝાદી પછી, મનુ એક ઓલિમ્પિકમાં બે મેડલ જીતનારી પ્રથમ ભારતીય એથ્લેટ બની હતી. આ પહેલા મનુ ભાકરે 10 મીટર એર પિસ્તોલની સિંગલ ઈવેન્ટમાં બ્રોન્ઝ જીત્યો હતો.

PM મોદીએ ટ્વીટ કરીને શુભકામના પાઠવી

પીએમ મોદીએ મનુભાકર અને સરબજોતને અભિનંદન પાઠવ્યા હતા. તેમણે X પર લખ્યું- અમારા શૂટર્સ સતત અમને ગૌરવ અપાવી રહ્યા છે. મનુ ભાકર અને સરબજોત સિંહને ઓલિમ્પિકમાં 10 મીટર એર પિસ્તોલ મિક્સ્ડ ટીમ ઈવેન્ટમાં બ્રોન્ઝ મેડલ જીતવા બદલ અભિનંદન. બંનેએ શાનદાર કૌશલ્ય અને ટીમ વર્ક બતાવ્યું છે. ભારત અવિશ્વસનીય રીતે પ્રશન્ન છે.

મનુ માટે, આ તેનો સતત બીજો ઓલિમ્પિક મેડલ છે, જે તેની સતત શ્રેષ્ઠતા અને સમર્પણ દર્શાવે છે.
 

શૂટિંગમાં ભારતનો મેડલ વિજેતા (ઓલિમ્પિક)

1. રાજ્યવર્ધન સિંહ રાઠોડ

સિલ્વર મેડલ: એથેન્સ (2004)

2. અભિનવ બિન્દ્રા

ગોલ્ડ મેડલ, બેઇજિંગ ઓલિમ્પિક્સ (2008)

3. ગગન નારંગ

બ્રોન્ઝ મેડલ: લંડન ઓલિમ્પિક્સ (2012)

4. વિજય કુમાર

સિલ્વર મેડલ: લંડન ઓલિમ્પિક્સ (2012)

5. મનુ ભાકર
બ્રોન્ઝ મેડલ: પેરિસ ઓલિમ્પિક્સ (2024)