સમન્સ મોકલવા છતાં સાયબર સેલ સમક્ષ કેમ હાજર ન થઈ તમન્ના ભાટિયા?, જાણો સમગ્ર મામલો

તમન્ના ભાટિયા કેમ હાજર ન થઈ?

તમને જણાવી દઈએ કે, આ મામલો IPL મેચોના ગેરકાયદેસર સ્ટ્રીમિંગ સાથે સંબંધિત છે. અભિનેત્રીને આ મામલામાં તપાસ માટે બોલાવવામાં આવી હતી પરંતુ હવે લાગે છે કે તમન્ના ભાટિયા હાલ આ તપાસ માટે તૈયાર નથી. તેણે પોતે પણ આ કેસ પર હજુ સુધી કોઈ પ્રતિક્રિયા આપી નથી. પરંતુ હવે સાંભળવા મળ્યું છે કે અભિનેત્રી તમન્ના ભાટિયાએ મહારાષ્ટ્ર સાયબર સેલને ખાસ રિક્વેસ્ટ કરી છે. વાસ્તવમાં, અભિનેત્રી હાજર થવા માટે નવી તારીખની માંગ કરી રહી છે.

આ પણ વાંચોઃ સુરત બાદ કોંગ્રેસના વધુ એક ઉમેદવારે ફોર્મ પાછું ખેંચ્યું, આ બેઠક પર પણ ભાજપના ઉમેદવાર બિનહરીફ જીતી જશે?

હજુ નવી તારીખ જાહેર કરાઈ નથી

મીડિયા રિપોર્ટ્સ અનુસાર, અભિનેત્રીએ મહારાષ્ટ્ર સાયબર સેલને જાણ કરી છે કે તે હાલમાં મુંબઈમાં નથી. તેથી જ તે આજે હાજર થઈ શકી નથી. હવે તેને નવી તારીખ મળશે, તે દિવસે અભિનેત્રીએ સાયબર સેલ સમક્ષ હાજર થવું પડશે. જોકે, હજુ સુધી નવી તારીખ જાહેર કરવામાં આવી નથી. તમને જણાવી દઈએ કે, ફેરપ્લે એપ પર IPL 2023ની ગેરકાયદેસર સ્ટ્રીમિંગનો આરોપ છે. IPLના આ ગેરકાયદેસર સ્ટ્રીમિંગને કારણે વાયકોમને મોટું નુકસાન થયું છે, ત્યારબાદ સંજય દત્ત અને તમન્ના ભાટિયા જેવા પ્રખ્યાત સ્ટાર્સને સમન્સ પાઠવવામાં આવ્યું હતું. 

આ પણ વાંચોઃ Viral Audio: રૂપાલા વિવાદ પર રાજપૂત વ્યક્તિએ કહ્યું, કંઈ બોલો, હકાભાએ કહ્યું- હું BJPમાં છું

આખરે શું છે મામલો?

તમારી જાણકારી માટે તમને જણાવી દઈએ કે, ફેર પ્લે એ એક એપ છે જ્યાં લોકો ઓનલાઈન સટ્ટાબાજી કરે છે. હવે આ એપ પર IPLના ગેરકાયદેસર સ્ટ્રીમિંગનો મામલો સામે આવ્યો છે. ડિજિટલ પાયરસી બાદ આ એપને પ્રમોટ કરનારા એક્ટર્સ પણ મુશ્કેલીમાં છે.