વાયનાડમાં ભૂસ્ખલન થતા 106 લોકોએ જીવ ગુમાવ્યા, કેરળમાં 2 દિવસના શોકની જાહેરાત

કેરળમાં બે દિવસના શોકની જાહેરાત

કેરળ સરકારે આ દુર્ઘટના બાદ બે દિવસના શોકની જાહેરાત કરી છે. કેરળમાં તમામ સરકારી કાર્યક્રમ રદ કરવામાં આવ્યા છે.  હજુ પણ ઘણા લોકો કાટમાળ નીચે દટાયેલા છે. તેમને શોધવા માટે ડ્રોન અને સર્ચ ડોગ સ્કવોડની પણ મદદ લેવામાં આવી રહી છે.

દેશની ત્રણેય સેના બચાવ કાર્યમાં જોડાઈ

કેરળના વાયનાડમાં આવો વિનાશ આ પહેલા ભાગ્યે જ જોવા મળ્યો છે. ગઈકાલ સુધી જ્યાં હરિયાળી હતી ત્યાં માત્ર કાટમાળ જ દેખાય છે એ માનવું મુશ્કેલ છે. જ્યાં પહેલા વસાહતો હતી ત્યાં હવે માત્ર તબાહીનું દ્રશ્ય છે. વરસાદ બાદ જમીન સાથે સરકી ગયેલા મકાનોના કાટમાળ છે. દેશની ત્રણેય સેનાઓ વાયનાડમાં કુદરતી આફતના યુદ્ધના મેદાનમાં બચાવ અભિયાનમાં ઉતરી છે. ત્રણેય સેના રાહત અને બચાવ કાર્યમાં લાગેલી છે. ભારતીય વાયુસેનાએ રાજ્ય સરકાર અને NDRF અધિકારીઓને મદદ કરવા વાયનાડમાં બચાવ અને રાહત કામગીરી માટે એક MI-17 અને ALH ધ્રુવ હેલિકોપ્ટર તૈનાત કર્યા છે. આર્મી અને નેવીના ડાઇવર્સ પણ બચાવ કાર્યમાં જોડાયેલા છે.

વહેલી સવારે થયું ભૂસ્ખલન

મળતી માહિતી મુજબ, મંગળવારે સવારે 2 વાગ્યાની આસપાસ ભૂસ્ખલન થયું. આ પછી સવારે લગભગ 4.10 વાગ્યે ફરી એકવાર ભૂસ્ખલન થયું. ન્યૂઝ એજન્સીના જણાવ્યા અનુસાર, ભૂસ્ખલનને કારણે 100થી વધુ લોકો કાટમાળ નીચે દટાઈ ગયા, તેમને બહાર કાઢવા માટે રેસ્ક્યૂ ઓપરેશન ચલાવવામાં આવી રહ્યું છે. આ દુર્ઘટનામાં મૃત્યુંઆંક સતત વધી રહ્યો છે. 

A major landslide struck Meppadi Panchayat, Wayanad in Kerala. Hundreds of people are suspected to have been trapped. The Army received a requisition for providing aid to civil authority today morning. In response, the Army has mobilised four columns including two columns ex 122…

— ANI (@ANI) July 30, 2024

16 લોકો હોસ્પિટલમાં દાખલ

કેરળના મુખ્ય સચિવ વી.વેણુએ જણાવ્યું કે, લગભગ 2-3 વખત ભૂસ્ખલન થયું છે. ભૂસ્ખલનમાં ઈજાગ્રસ્ત થયેલા 16 લોકોને વાયનાડના મેપ્પડીની ખાનગી હોસ્પિટલમાં દાખલ કરવામાં આવ્યા છે. કેરળના મુખ્યમંત્રી પિનરાઈ વિજયન પણ આ દુર્ઘટના પર નજર રાખી રહ્યા છે. તેમણે કહ્યું છે કે, ઘટનાની જાણ થતાં જ સરકારી તંત્રએ બચાવ કામગીરી શરૂ કરી દીધી છે. રાજ્યની તમામ સરકારી એજન્સીઓ બચાવ કામગીરીમાં લાગેલી છે. આજે રાજ્યના મંત્રી સ્થળની મુલાકાત લઈ શકે છે.

કંટ્રોલ રૂમ ઉભો કરાયો

CMOના જણાવ્યા અનુસાર, વાયનાડમાં ભારે વરસાદ બાદ ભૂસ્ખલન થયું છે. નેશનલ હેલ્થ મિશન દ્વારા અહીં કંટ્રોલ રૂમ ઉભો કરાયો છે. ઈમરજન્સી સહાય માટે હેલ્પલાઈન નંબર 9656938689 અને 8086010833 પણ જાહેર કરી દેવામાં આવ્યા છે. 

PM મોદીએ વ્યક્ત કર્યું દુઃખ

Distressed by the landslides in parts of Wayanad. My thoughts are with all those who have lost their loved ones and prayers with those injured.

Rescue ops are currently underway to assist all those affected. Spoke to Kerala CM Shri @pinarayivijayan and also assured all possible…

— Narendra Modi (@narendramodi) July 30, 2024

250 કર્મીઓ બચાવ કામગીરીમાં જોડાયા

વાયનાડ ચુરલમાલામાં બચાવ કામગીરીમાં ફાયર એન્ડ રેસ્ક્યુ, સિવિલ ડિફેન્સ, એનડીઆરએફ અને સ્થાનિક ઈમરજન્સી રિસ્પોન્સ ટીમના 250 સભ્યો સામેલ છે. એનડીઆરએફની વધારાની ટીમને તાત્કાલિક ઘટનાસ્થળે પહોંચવાની સૂચના આપવામાં આવી છે.

રાહુલ ગાંધીએ વ્યક્ત કર્યું દુઃખ

I am deeply anguished by the massive landslides near Meppadi in Wayanad. My heartfelt condolences go out to the bereaved families who have lost their loved ones. I hope those still trapped are brought to safety soon.

I have spoken to the Kerala Chief Minister and the Wayanad…

— Rahul Gandhi (@RahulGandhi) July 30, 2024

વાયનાડથી સાંસદ રહી ચૂક્યા છે રાહુલ ગાંધી

તમને જણાવી દઈએ કે, વાયનાડ કોંગ્રેસના દિગ્ગજ નેતા અને હાલમાં લોકસભામાં વિપક્ષના નેતા રાહુલ ગાંધીનો લોકસભા ક્ષેત્ર છે. આ વર્ષે (2024) પણ, રાહુલ ગાંધીએ રાયબરેલી તેમજ વાયનાડથી લોકસભા ચૂંટણી જીતી હતી, જોકે બાદમાં તેમણે વાયનાડ બેઠક છોડી દીધી હતી.