મહિલાઓને રૂ.300-300 આપીને RBI માંથી 2000ની નોટો ચેન્જ કરાવાનું કૌભાંડ, પોલીસની રેડ પડતા વેપારીઓ ભાગ્યા

સરકારે કાળા નાણાથી બચવા માટે રિઝર્વ બેંકમાં 2000 રૂપિયાની નોટો બદલવાની વાત કરી હતી. તો, કાનપુરની રિઝર્વ બેંકમાં નોટો બદલવાને લઈને એક અલગ રમત ચાલી રહી હતી.

આ પણ વાંચો: Ayodhya: રામ નવમીના દિવસે આટલો સમય થશે રામલલ્લાના દર્શન, સૂર્યના કિરણોથી કરાશે ભગવાનનો અભિષેક

વેપારીઓ પૈસા આપીને મહિલાઓ પાસે નોટ બદલાવતા

અહીં કેટલાક વ્હાઇટ કોલર બિઝનેસમેન મહિલાઓને રૂ.300 આપીને રૂ. 2000ની નોટ બદલાવવા મોકલતા હતા. આ અંગેની માહિતી મળતા જ પોલીસે દરોડો પાડ્યો હતો. જે બાદ વેપારીઓ ભાગી ગયા હતા, પરંતુ પોલીસે કેટલીક મહિલાઓની અટકાયત કરી છે. પોલીસનું કહેવું છે કે મહિલાઓ પાસેથી 20 હજાર રૂપિયા મળી આવ્યા છે. પોલીસે તમામને પોલીસ સ્ટેશન લઈ જઈ પૂછપરછ શરૂ કરી હતી.

મહિલાઓને રોજના 300 રૂપિયા અપાતા

પોલીસ સ્ટેશન લઈ જવામાં આવેલી મહિલાઓએ કહ્યું કે, તેમને નોટ બદલવા માટે 300 રૂપિયા આપવામાં આવ્યા હતા, તેથી જ અમે અહીં આવ્યા છીએ. પોલીસ સ્ટેશનમાં પૂછપરછ માટે લાવેલી મહિલાઓએ જણાવ્યું કે, પૈસા બદલવાની રમત મહિનાઓથી ચાલતી હતી, જેમાં મહિલાઓને રોજના 300-300 રૂપિયા આપીને બોલાવવામાં આવતી હતી.

આ પણ વાંચો: Rupala Controversy: અમદાવાદમાં ક્ષત્રિય સમાજની મહિલાઓને કરાઈ નજરકેદ, ગીતાબાનો મોટો દાવો

ACPએ કાર્યવાહી અંગે શું કહ્યું?

આ મામલે ACP અર્ચના સિંહનું કહેવું છે કે કેટલીક મહિલાઓને નોટ બદલવા માટે લાવવામાં આવી છે, તેમની તપાસ કરવામાં આવી રહી છે. હજુ સુધી કોઈ કેસ નોંધાયો નથી. ACPએ કહ્યું કે કેટલીક મહિલાઓને રિઝર્વ બેંકમાં 2000 રૂપિયાની નોટ બદલવા માટે પૈસા અપાતા હોવાની માહિતી મળી હતી. પોલીસ કેટલાક લોકોની અટકાયત કરી રહી છે અને તેમની પૂછપરછ કરી રહી છે. પોલીસે મહિલાઓને મુક્ત કરી છે. અત્યાર સુધીમાં છ લોકોની અટકાયત કરીને પૂછપરછ કરવામાં આવી છે.