કેજરીવાલને દિલ્હી હાઈકોર્ટમાંથી ઝટકો, રિમાન્ડ વિરુદ્ધ તાત્કાલિક સુનાવણી પર HCનો ઈનકાર

Delhi CM Arvind Kejriwal: દિલ્હીના સીએમ અરવિંદ કેજરીવાલને હાઈકોર્ટ તરફથી ફરી એક ઝટકો લાગ્યો છે. હાઈકોર્ટના કાર્યકારી મુખ્ય ન્યાયાધીશ જસ્ટિસ મનમોહનની કોર્ટે તેમની અરજી પર તાત્કાલિક સુનાવણી કરવાનો ઈન્કાર કરી દીધો છે. EDના રિમાન્ડ સામેની તેમની અરજીમાં કેજરીવાલે શનિવારે સાંજે અથવા રવિવારે સવારે એટલે કે 24 માર્ચે વહેલી સુનાવણીની માંગ કરી હતી.

આ પણ વાંચો: મહેસાણાથી ભાગેલા પરિણીત પ્રેમી-પંખીડાનો 2 વર્ષના પુત્ર સાથે આપઘાત, દુપટ્ટો-ચાર્જરથી બાંધી રાખ્યા હતા

કેજરીવાલની અરજી પર હવે 27 માર્ચે સુનાવણીની આશા

કાર્યવાહક મુખ્ય ન્યાયાધીશના કાર્યાલય અનુસાર, હવે કેજરીવાલની અરજી પર હોળીની રજા પછી એટલે કે 27 માર્ચે કોર્ટ ખુલ્યા બાદ સુનાવણી થવાની આશા છે. હાઈકોર્ટમાં પણ સોમવાર અને મંગળવારે હોળીની રજા છે. કેજરીવાલે તેમની અરજીમાં દલીલ કરી હતી કે તેમની ધરપકડ અને રિમાન્ડનો આદેશ બંને ગેરકાયદેસર છે અને તેઓ તાત્કાલિક કસ્ટડીમાંથી મુક્ત થવાના હકદાર છે. કેજરીવાલને ગઈ કાલે રાઉઝ એવન્યુ કોર્ટે 6 દિવસના ED રિમાન્ડ પર મોકલ્યા હતા. તેમને 28 માર્ચે બપોરે 2 વાગ્યે કોર્ટમાં રજૂ કરવામાં આવશે. EDએ આ કેસમાં 10 દિવસના રિમાન્ડની માંગણી કરી હતી, પરંતુ કોર્ટે માત્ર 6 દિવસના રિમાન્ડ મંજૂર કર્યા હતા. રિમાન્ડની સુનાવણી દરમિયાન EDએ કહ્યું કે કેજરીવાલ, અન્ય મંત્રીઓ અને આમ આદમી પાર્ટીના નેતાઓ સાથે દારૂ કૌભાંડના મુખ્ય કાવતરાખોર હતા.

EDએ કોર્ટમાં શું કહ્યું?

EDએ જસ્ટિસ બાવેજાને જણાવ્યું કે, કેજરીવાલે દારૂની નીતિ ઘડવા અને તેને લાગુ કરવા માટે 'સાઉથ ગ્રૂપ' પાસેથી કરોડો રૂપિયાની લાંચ લીધી હતી. એડિશનલ સોલિસિટર જનરલ (ASG) SV રાજુએ એજન્સી માટે હાજર થઈને કોર્ટને જણાવ્યું કે પંજાબની ચૂંટણી લડવા માટે તેઓએ 'સાઉથ ગ્રુપ'ના કેટલાક આરોપીઓ પાસેથી 100 કરોડ રૂપિયાની માંગણી કરી હતી. કાયદા અધિકારીએ જણાવ્યું હતું કે, મની ટ્રેઇલથી જાણવા મળ્યું છે કે ગોવાની ચૂંટણીમાં વપરાયેલી 45 કરોડ રૂપિયાની લાંચ ચાર હવાલા માર્ગો દ્વારા આવી હતી. તેમણે કહ્યું કે કોલ ડિટેલ રેકોર્ડ્સ (સીડીઆર) દ્વારા આરોપીઓ અને સાક્ષીઓના નિવેદનોની પુષ્ટિ કરવામાં આવી છે.

આ પણ વાંચો: ગુજરાતમાં ફરી હાર્ટ એટેકની ઘટના, BJPના કોર્પોરેટરનું સારવાર મળતા પહેલા જ નિધન

કોર્ટે કેજરીવાલને 6 દિવસના ED રિમાન્ડ પર મોકલી દીધા છે

ન્યૂઝ એજન્સી પીટીઆઈ અનુસાર, એએસજી રાજુએ કોર્ટમાં કહ્યું કે અમે 10 દિવસના રિમાન્ડ માટે અરજી કરી છે. તેમણે કહ્યું કે AAP એક વ્યક્તિ નથી પરંતુ એક કંપની છે અને કંપની ચલાવવા માટે જવાબદાર દરેક વ્યક્તિ જવાબદાર રહેશે. કેજરીવાલ તરફથી હાજર રહેલા વરિષ્ઠ વકીલ અભિષેક મનુ સિંઘવીએ કહ્યું કે ભારતના ઈતિહાસમાં આ પહેલીવાર બન્યું છે જ્યારે કોઈ વર્તમાન મુખ્યમંત્રીની ધરપકડ કરવામાં આવી હોય. તેમણે કહ્યું કે કેજરીવાલની ધરપકડ કરવાની કોઈ જરૂર નથી.