Crime News: દેવભૂમિ દ્વારકાના દરિયાકાંઠે એક જ અઠવાડિયામાં કરોડોનું ડ્રગ્સ ક્યાંથીઆવ્યું?

એક અઠવાડિયાથી ચાલી રહ્યું છે સર્ચ ઓપરેશન

એક અઠવાડિયા પહેલા દેવભૂમિ દ્વારકા જિલ્લાના રૂપેણ બંદરેથી પોલીસને બિનવારસુ 16 કરોડની કિંમતનું ડ્રગ્સ મળી આવ્યું હતું ત્યારબાદ અલગ-અલગ ત્રણ ગામડાના દરિયાકાંઠેથી જથ્થો મળી આવ્યો છે. એક અઠવાડિયામાં પેટ્રોલિંગ દરમિયાન પોલીસને દેવભૂમિ દ્વારકા જીલ્લાના ચંદ્ર ભાગા, વાછુ અને ગોરિંજા ગામના દરિયા કિનારેથી અલગ અલગ કોથળામાં અંદાજે 100 જેટલા શંકાસ્પદ પેકેટ પડ્યા હતા. પોલીસને જે વાતની શંકા હતી તેનું ચિત્ર સ્પષ્ટ કરવા FSLની મદદ લેવામાં આવી અને અંતે રીપોર્ટમાં આ તમામ પેકેટમાં ચરસ હોવાનું સામે આવ્યું હતું. જે બાદ સમગ્ર જીલ્લામાં ચકચાર મચી ગયો હતો અને આ ડ્રગ્સના પેકેટે અનેક સવાલો ઉઠાવી દીધા છે.