ગુજરાતમાં આજે ક્યાં પડશે વરસાદ? કાળઝાળ ગરમી વચ્ચે હવામાન વિભાગની આગાહી

આજે ક્યાં વિસ્તારોમાં વરસાદની શક્યતા?

અમદાવાદ હવામાન વિભાગના વૈજ્ઞાનિક અભિમન્યુ ચૌહાણના જણાવ્યા અનુસાર, આજે ગુજરાતના કેટલાક વિસ્તારોમાં માવઠાની શક્યતાઓ છે. આજે તાપી, નર્મદા, સુરત, છોટાઉદેપુર, પંચમહાલ, દાહોદ, મહીસાગરમાં હળવા  વરસાદની આગાહી છે. 

આ પણ વાંચોઃ Gujarat Weather: ભરઉનાળે ગુજરાતમાં માવઠું, અનેક વિસ્તારમાં વરસાદ પડતા ધરતીપુત્ર ચિંતાતૂર

વરસાદના કારણે તાપમાનમાં થયો ઘટાડો

તેઓએ જણાવ્યું કે, ગુજરાતના તાપમાનમાં ઘટાડો થવાને કારણે લોકોને ગરમીથી રાહત  મળી છે. અમદાવાદમાં એક જ દિવસમાં  1.6 તો ગાંધીનગરમાં 2 ડિગ્રીનો ઘટાડો થયો છે. આજે અમદાવાદમાં તાપમાન  39.7 ડિગ્રી નોંધાયું છે. તો ગાંધીનગરમાં તાપમાન 39 ડિગ્રી નોંધાયું છે. આજે સૌથી વધુ રાજકોટમાં 40.8 ડિગ્રી તાપમાન નોંધાયું છે. ગઈકાલે પડેલા હળવા વરસાદને લઈને તેઓએ કહ્યું કે, પાછલા 24 કલાકમાં દક્ષિણ ગુજરાતમાં વરસાદ નોંધાયો છે. જેમાં સૌથી વધુ 4 મિમિ વરસાદ નર્મદામાં નોંધાયું છે. 

આ પણ વાંચોઃ આંધી, તોફાન, માવઠું...અંબાલાલ પટેલની ભરઉનાળે ભૂક્કા બોલાવે તેવી આગાહી

10થી 14 મે દરમિયાન વરસાદની આગાહી

હવામાન નિષ્ણાંતોએ જણાવ્યું છે કે, બંગાળના ઉપસાગરનો ભેજ અને અરબ સાગરના ભેજના કારણે રાજ્યમાં પ્રી-મોન્સુન એક્ટિવિટીની શરૂઆત થઈ ગઈ છે. પ્રી-મોન્સૂન એક્ટિવિટી પછી ગુજરાતની પ્રજાને કાળઝાળ ગરમી દઝાડશે. આગામી 10થી 14 મે દરમિયાન ઉત્તર ગુજરાત અને મધ્ય ગુજરાતમાં આંધી-વંટોળ સાથે વરસાદ વરસી શકે છે. 

'20 મે પછી ગરમીમાં ભારે વધારો થશે'

આ દિવસોમાં હવામાનમાં પલટો આવ્યા બાદ 20 મે પછી ગરમીમાં ભારે વધારો થશે તેવું હવામાન નિષ્ણાંતોએ જણાવ્યું છે. તો ઉત્તર ગુજરાતના કેટલાક ભાગોમાં તો તાપમાન 44 ડિગ્રી સુધી જવાની શક્યતા રહેલી છે.