ગુજરાતમાં ભારે પવન-વરસાદ અનેક હોર્ડિંગ્સ અને છાપરા ઉડ્યા: બે મહિલાના મોત

અમદાવાદઃ ગુજરાતમાં હાલમાં વરસાદી માહોલ બન્યો છે. છેલ્લા ઘણા સમયથી તેની આગાહી ગુજરાત હવામાન વિભાગ અને હવામાન નિષ્ણાંત અંબાલાલ પટેલ દ્વારા પણ આગાહી કરવામાં આવી હતી. તે પછી હવે ગુજરાતમાં ઠેરઠેર વવરસાદ વરસી રહ્યો છે. હાલમાં ઘણા વિસ્તારોમાં પવન ઝડપી ગતીએ ફૂંકાતા ઘણા વૃક્ષ ધરાશાયી થયા છે. કેટલાક સ્થાનો પર કરા પડ્યા છે. ભારે પવન અને વરસાદમાં બે મહિલાઓના મોત પણ નીપજ્યા છે. જંબુસરમાં ઝાડ પડતા અને હિંમતનગરમાં વીજળીનો થાંભલો પડતા આ મહિલાઓના મોત નિપજ્યા હતા.