ગુજરાતમાં 425 કરોડનું ડ્રગ્સ ઘૂસાડવાનું ATS-કોસ્ટગાર્ડે બનાવ્યું નાકામ, 5 ઝડપાયા

પોરબંદરઃ ગુજરાતમાં અવારનવાર ડ્રગ્સ ઘૂસાડવાના પેંતરાઓ અપનાવાઈ રહ્યા છે. ખાસ કરીને દરિયાના માર્ગે ડ્રગ્સ અને હથિયારોના કન્સાઈનમેન્ટ સતત આવવા લાગ્યા છે ત્યારે પોરબંદરમાં ઈન્ડિયન કોસ્ટગાર્ડ અને ગુજરાત એટીએસ દ્વારા 425 કરોડનું હેરોઈન ઘૂસાડવાનું કાવતરું નિષ્ફળ બનાવ્યું છે. ઈરાની બોટ સાથે એજન્સીઓએ 425 કરોડની કિંમતનું હેરોઈન ઝડપી પાડ્યું છે. આ સાથે જ એજન્સીઓએ પાંચ ક્રુ મેમ્બરની પણ ધરપકડ કરી હતી. પોલીસે આ અંગે વધુ કાર્યવાહી હાથ ધરી છે.