Gujarat Rain: પોરબંદરમાં આભ ફાટ્યું, 20 ઈંચ વરસાદથી જળતાંડવની સ્થિતિ સર્જાઈ, જુઓ તસવીરો

Porbandar Rain News: હવામાન વિભાગની આગાહી વચ્ચે સૌરાષ્ટ્રના પોરબંદર શહેર અને જિલ્લામાં ભારે વરસાદના કારણે જળતાંડવની સ્થિતિ જોવા મળી રહી છે. પોરબંદર શહેરમાં 20 ઈંચ વરસાદથી ચારે તરફ પાણી જ પાણી જોવા મળી રહ્યું છે. રસ્તાઓ એકબાજુ જાણે નદી બની ગયા છે, તો લોકોના ઘરોમાં પણ કમર સુધી પાણી ભરાઈ જતા ઘરવખરીને ભારે નુકસાન પહોંચ્યું છે. 26 વર્ષ બાદ પોરબંદર શહેરમાં જળપ્રલય જોવા મળ્યો છે. તો બરડા પથકમાં પણ 10 થી 12 ઇંચ વરસાદ પડતાં વાડી-ખેતરો પાણીથી તરબોળ બન્યા છે.