Police Recruitment: પોલીસ ભરતીની પરીક્ષાની તારીખને લઈ હસમુખ પટેલની જાહેરાત, જુઓ કેવો રહેશે કાર્યક્રમ!

Police Recruitment 2024: ગુજરાત પોલીસમાં સરકારી નોકરીનું સપનું જોતા યુવાઓ માટે આતુરતાનો અંત આવ્યો છે. આજથી પોલીસ દળમાં સબ ઈન્સ્પેક્ટર કેડર સહિતની 12,472 જગ્યાઓ માટે ફૉર્મ ભરવાનું શરૂ થઈ ગયું છે. ઉમેદવારો https://ojas.gujarat.gov.in/ વેબસાઈટ પર જઈને ફોર્મ ભરી શકશે. આ સિવાય કેટલાક તૈયારી કરનારા ઉમેદવરોના મનમાં ચાલી રહેલા પ્રશ્નોના જવાબ ખુદ હસમુખ પટેલે વીડિયો મારફતે આપ્યા છે. એવામાં સવાલોમાં સૌથી સામાન્ય ઉમેદવારોનો પ્રશ્ન હતો કે પરીક્ષાનું આયોજન ક્યારે કરવામાં આવશે અને પ્રવેશ પ્રક્રિયા ક્યારે સમાપ્ત થશે? તો આ પ્રકારના દરેક પ્રશ્નોના જવાબને વીડિયો મારફતે પરીક્ષા બોર્ડના અધ્યક્ષ હસમુખ પટેલ દ્વારા આપવામાં આવેલ છે.