Lok Sabha Election 2024: 'અમરેલીથી લડ્યા હોત તો ખબર હતી કે વધેરાઈ જાત', પરસોત્તમ રુપાલા પર શક્તિસિંહનું મોટું નિવેદન

આ પણ વાંચોઃ EDની કસ્ટડીમાંથી CM કેજરીવાલે જાહેર કર્યો પહેલો ઓર્ડર, દિલ્હીમાં હવે 'જેલમાંથી ચાલી રહી છે સરકાર'

શક્તિસિંહ ગોહિલે રાજકોટમાં કરી બેઠક

છેલ્લા કેટલાક સમયથી સૌરાષ્ટ્રની સૌથી હોટ ગણાતી રાજકોટ બેઠકને લઇને કોંગ્રેસમાં કોકડું ગૂંચવાયું છે. ત્યારે આ ગૂંચવણનો ઉકેલ લાવવા માટે કોંગ્રેસ પ્રદેશ અધ્યક્ષ શક્તિસિંહ ગોહિલ આજે અચાનક રાજકોટની મુલાકાતે પહોંચ્યા હતા. જ્યાં તેઓએ કોંગ્રેસ આગેવાનો અને કાર્યકરો સાથે બેઠક કરી હતી. આ બેઠક પૂર્ણ થયા બાદ કોંગ્રેસ પ્રદેશ પ્રમુખ શક્તિસિંહ ગોહિલે ભારતીય જનતા પાર્ટી પર આકરા પ્રહારો કર્યા હતા.  

આ પણ વાંચોઃ IPL 2024: અમદાવાદમાં નહીં, અહીં રમાશે ફાઈનલ મેચ! સામે આવ્યું મોટું અપડેટ

પબ્લિક પરસોત્તમભાઈને ઓળખી ગઈ હતીઃ શક્તિસિંહ ગોહિલ

આ દરમિયાન મીડિયા દ્વારા એવો પ્રશ્ન પૂછવામાં આવ્યો હતો કે શું કોંગ્રેસને રાજકોટમાં કોઈ ઉમેદવાર નથી મળતો કારણ કે સામે પરસોત્તમ રૂપાલા છે? જેના જવાબમાં તેઓએ કહ્યું કે, તેમણે ગોતી ગોતીને માથા મુક્યા હતા એ માથા કેમ ફેરવ્યા. પરસોત્તમભાઈ મારા મિત્ર છે, જો પરસોત્તમભાઈ મોટું માથું હતું તો તેમના વતન અમરેલી લડાવવા હતાને, ત્યાં તો પબ્લિક ઓળખી ગઈ હતી કે માથું વધેરાઈ જશે એટલે રાજકોટ મોકલ્યું. 

ઈનપુટઃ રોનક મજીઠિયા, રાજકોટ