હવે વડોદરામાં 'તથ્યકાંડ' જેવી ઘટના, નબીરાએ કારથી બ્રિજની સાઈડમાં બેઠેલા 3ને ઉલાળ્યા; એક યુવકનું મોત

પોલીસનો કાફલો ઘટના સ્થળે દોડી આવ્યો

મળતી માહિતી અનુસાર, વડોદરાના અકોટા દાંડિયાબજાર બ્રિજ પર મોડીરાત્રે એક કાર ચાલકે 2 એક્ટિવા અને બ્રિજની સાઈડમાં બેઠેલા યુવક અને યુવતીઓને અડફેટે લીધા હતા. આ અકસ્માતને પગલે લોકોના ટોળેટોળાં ઊમટ્યા હતા.  આ બનાવને લઈ DCP લીના પાટીલ સહિત અકોટા પોલીસ મથકનો સ્ટાફ તાત્કાલિક ઘટનાસ્થળે દોડી આવ્યો હતો.

આ પણ વાંચોઃ બનાસકાંઠા: ગેનીબેન ઠાકોર અને ડો.રેખાબેન ચૌધરીએ પોતાના ફોર્મ રદ કરવા અરજી આપી! હવે શું થશે?

કાર ચાલક નશાની હાલતમાં હતોઃ નજરે જાનાર

આ અકસ્માતમાં પારૂલ યુનિવર્સિટીમાં MBAનો અભ્યાસ કરતા 24 વર્ષીય આકાશ રાકેશભાઈ ચોબલે નામના યુવકનું ઘટનાસ્થળે જ મોત નિપજ્યું હતું, જ્યારે અન્ય બે યુવતી આસ્થા પરીખ અને પ્રિતી શર્માને ઈજા થતાં સારવાર અર્થે હોસ્પિટલમાં ખસેડવામાં આવી હતી. આ અકસ્માતને નજરે જોનારે પોલીસને જણાવ્યું હતું કે, કારચાલક ઓવરસ્પીડમાં હતી અને કાર ચાલક નશાની હાલતમાં હતો. 

આ પણ વાંચોઃ IPL 2024: હાર્દિક પંડ્યા મેચ જીત્યો પણ એક ભૂલ ભારે પડી, BCCI એ ફટકાર્યો લાખોનો દંડ

કાર ચાલકની કરાઈ અટકાયત

આ બનાવ અંગે અકોટા PI વાય.જી. મકવાણાએ જણાવ્યું હતું કે, કારચાલક કલ્પ પંડ્યાની અટકાયત કરવામાં આવી છે. કારમાંથી પ્લાસ્ટિકની બોટલ મળી છે અને તેમાં નશાયુક્ત પદાર્થ હોવાની આશંકા છે. આ અંગે ટેસ્ટ કર્યા બાદ અન્ય પજેશન અંતર્ગત ગુનો નોંધવામાં આવશે.