Dahod train news: દાહોદથી આણંદ જતી મેમુ ટ્રેન સળગી, ફર્સ્ટ ક્લાસનો આખા ડબ્બામાં ફેલાઈ ગઈ

કેમ લાગી આગ?

દાહોદથી મુસાફરો સાથે આણંદ તરફ જઈ રહેલી મેમુ ટ્રેન નં. 090350માં આજે ફર્સ્ટ ક્લાસના ડબ્બામાં અચાનક આગ લાગી ગઈ હતી. જોકે પ્રારંભિક ધોરણે સામે આવતી વિગતો પ્રમાણે આ આગ શોર્ટ સર્કિટના કારણે લાગી હોવાનો અંદાજ છે. ઘટનાની જાણકારી ફાયર વિભાગને તથા રેલવેના ઉચ્ચ અધિકારીઓને કરવામાં આવી છે. જેને પગલે તેઓ પણ સ્થળ પર દોડી આવ્યા છે. આગને તુરંત કાબુમાં લેવાના પ્રયત્નો શરૂ કરી દેવાયા હતા. જોકે આગ પણ સરળતાથી કાબુમાં આવે તેમ ન્હોતી. ભારે જહેમત પછી આગને કાબુ કરી શકાઈ હતી. જોકે ત્યાં સુધી ઘણું નુકસાન ડબ્બાને થઈ ચુક્યું છે.

VIDEO | Fire breaks out in engine of Dahod-Anand Memu train near Dahod in Gujarat. More details are awaited. pic.twitter.com/1KvAbBZd76

— Press Trust of India (@PTI_News) September 15, 2023

ટેકનોલોજીની મદદથી દેશભરમાંથી 500થી વધુ લક્ઝુરિયસ કાર ચોરનારી ગેંગ અમદાવાદમાંથી ઝડપાઈ

સમયસર મુસાફરોને ઉતારી દેવાયા

અહીં એક રાહતની બાબત એ પણ છે કે આગને કારણે કોઈ મોટી જાનહાની થઈ નથી. હા આગને કારણે મુસાપોમાં ડરનો માહોલ જોવા મળ્યો હતો અને અફરા તફરી થઈ ગઈ હતી. આ ઘટના વહેલી સવારે બની હતી. આગની જાણકારી મળતા ગામના લોકો પણ અહીં આવી પહોંચ્યા હતા. રેલવેના અધિકારીઓ અને ફાયર વિભાગ પણ તપાસ કરવામાં જોડાયું છે. બીજી બાજુ દિલ્હીથી બોમ્બે રેલ માર્ગ સુરક્ષાના ભાગ રૂપે બંધ કરવામાં આવ્યો છે. આમ તો આ આગને કારણે મુશ્કેલી થઈ શકે તેમ હતી પરંતુ સમયસૂકતાને પગલે તુરંત કાર્યવાહી કરવામાં આવતા મુસાફરોને નીચે ઉતારી લેવામાં આવ્યા હતા અને મોટી જાનહાની ટળી ગઈ હતી.