કોંગ્રેસે ગુજરાતમાં લગાવી લકી ઘડીયાળ? જ્યારે પણ આમાં 12 નો આંકડો આવે ત્યારે ભાજપની સરકાર પડે છે: Video

8 ડિસેમ્બરે ઘડિયાળ બંધ, ભાજપ સત્તાવિહીનઃ કોંગ્રેસ
એક માન્યતા પ્રમાણે એવું કહેવાય છે કે આ એ જ ઘડિયાળ છે જેમાં 12 વાગતા વાજપેયી સરકાર ગઈ હતી. આ ઘડિયાળનો 12 નો આંકડો ગુજરાત કોંગ્રેસ લકી માને છે. અમદાવાદના કોંગ્રેસના મુખ્ય કાર્યાલય પર આ ઉંધી ગણતરીઓ ગણતી પરિવર્તન ઘડિયાળ લગાવવામાં આવી છે. કોંગ્રેસ વિધિવત્ આ ઘડિયાળનું ઉદ્ઘાટન પણ કર્યું છે. કોંગ્રેસના વરિષ્ઠ નેતા ચિદમ્બરમ્ દ્વારા આ ઘડિયાળનું પોતાના હાથે ઉદ્ઘાટન કરવામાં આવ્યું હતું અને કહેવામાં આવ્યું હતું કે આ ભાજપનું કાઉન્ટડાઉન છે અને ભાજપની છેલ્લી ઘડીઓ ઘણે છે. આગામી 8 ડિસેમ્બરના રોજ આ ઘડિયાળ બંધ થશે. તે વખતે ગુજરાતમાં પરિવર્તન આવશે અને કોંગ્રેસની સરકાર સ્થપાશે તેવો દાવો કોંગ્રેસ કરી રહી છે.

ગુજરાત #Congress દ્વારા અમદાવાદ સ્થિત ઓફિસ પર ઉંધા આંકડા ગણતી ઘડિયાળ મુકવામાં આવી છે. જે ઘડિયાળને તેઓ પરિવર્તનની ઘડિયાળ માને છે. તેઓનું કહેવું છે કે જેવું આ ઘડિયાળમાં 12 વાગશે કે તે સાથે ભાજપના સત્તામાંથી 12 વાગી જવાના છે અને #BJP ની સરકાર જાય છે તથા કોંગ્રેસની સરકાર આવે છે. pic.twitter.com/BQ6ep4Sz2g

— Gujarat Tak (@GujaratTak) November 8, 2022

રાજસ્થાન વિધાનસભા વખતે કોંગ્રેસીઓનો વિશ્વાસ દૃઢ બન્યો
વર્ષ 2018માં આ ઘડિયાળ રાજસ્થાનમાં વિધાનસભાની ચૂંટણી વખતે કોંગ્રેસ જ્યારે વિપક્ષની ભૂમિકામાં હતી ત્યારે 174 દિવસ પહેલા લગાવવામાં આવી હતી. જે પછી કોંગ્રેસની સરકાર બની ગઈ હતી. જનાદેશમાં કોંગ્રેસ વિજય બનીને આવી ત્યારે આ ઘડિયાળ પર કોંગ્રેસીઓનો વિશ્વાસ વધુ મક્કમ બની ગયો હતો. કોંગ્રેસના નેતાઓનું માનીએ તો આગામી ગુજરાત વિધાનસભાની ચૂંટણી પરિણામ વખતે 12 વાગ્યે આ ઘડિયાળ બંધ થશે અને ભાજપ ગુજરાતમાં સત્તાવિહીન બનશે. ઉલ્લેખનીય છે કે આ ઘડિયાળમાં દિવસ, કલાક, મિનિટ અને સેકન્ડના ઉંધા આંકડાઓની ગણના થાય છે. એક પ્રકારે કહી શકાય કે આ એક રિવર્સ કાઉન્ટડાઉન કરતી ઘડિયાળ છે.