આ જોઈ લો સિંહના ટોળા...! ગીરના ગામડામાં શિકારની શોધમાં આવી ચઢ્યા એક સાથે 12 સિંહ, જુઓ VIDEO

Lion Family in Gir: છેલ્લા ઘણાં સમયથી સિંહના ટોળા ફરતા જોવા મળી રહ્યા છે. સિંહના ટોળાથી સોશિયલ મીડિયામાં રમૂજ પણ થતી હોય છે કે હવે તો સિંહના પણ ટોળા હોય છે. સિંહના ટોળા હોવાની કહેવતને લોકો ખોટી સાબિત કરી રહ્યા છે. ત્યારે ગીર વિસ્તારના ગ્રામ્ય પંથકમાં એક-બે નહીં પણ એક સાથે 12 સિંહનું ટોળું રોડ પર લટાર મારતું જોવા મળ્યું હતું. સિંહના ટોળા ન હોવાની કહેવત ફરી ખોટી પુરવાર થઈ રહી છે. સિંહોનું સામ્રાજ્ય ગણાતા જૂનાગઢ જિલ્લામાં સિંહના ટોળાનો વીડિયો વાયરલ થયો હતો. આ સિંહ પરિવાર અચનાક રોડ પર જોવા ત્યાંથી પસાર થતાં રાહદારીએ મોબાઈલમાં વીડિયો ઉતારી લેતાં વીડિયો સોશિયલ મીડિયામાં વાયરલ થયો હતો.