કોંગ્રેસના ઉમેદવારે માતાજીના માંડવામાં ધુણતા ધુણતા સાંકળ મારી, લોકોએ કર્યો રૂપિયાનો વરસાદ
Surendranagar News: સુરેન્દ્રનગર લોકસભાથી કોંગ્રેસના ઉમેદવાર ઋત્વિક મકવાણાનો વીડિયો સામે આવ્યો છે. આ વીડિયોમાં ઋત્વિક મકવાણા માતાજીના માંડવામાં ધુણતા ધુણતા પોતાને પીઠ પર સાંકળો મારતા દેખાય છે.
ADVERTISEMENT
Surendranagar News: લોકસભાની ચૂંટણી માટે ગુજરાતમાં માહોલ જામી ચૂક્યો છે. મતદારો સુધી પહોંચવા અને તેમને આકર્ષવા ઉમેદવારો કંઈપણ કરવા તૈયાર છે. આ વચ્ચે સુરેન્દ્રનગર લોકસભાથી કોંગ્રેસના ઉમેદવાર ઋત્વિક મકવાણાનો વીડિયો સામે આવ્યો છે. આ વીડિયોમાં ઋત્વિક મકવાણા માતાજીના માંડવામાં ધુણતા ધુણતા પોતાને પીઠ પર સાંકળો મારતા દેખાય છે. સોશિયલ મીડિયામાં આ વીડિયો હાલ વાઈરલ થયો છે, જોકે ગુજરાત તક તેની પુષ્ટિ કરતું નથી.
ઋત્વિક મકવાણાએ પીઠ પર સાંકળો મારી
વિગતો મુજબ, લીંબલી ગામમાં શેખવાહાપીર દાદાની પુણ્યતિથિનો કાર્યક્રમ યોજવામાં આવ્યો હતો. આ દરમિયાન ડાયરાનું આયોજન કરાયું હતું. જેમાં કોંગ્રેસના ઉમેદવાર ઋત્વિક મકવાણા પર હાજર રહ્યા હતા. કાર્યક્રમમાં હાજર ઋત્વિક મકવાણાએ ધુણતા ધુણતા પોતાની પીઠ પર સાંકળો મારી હતી. આ દરમિયાન ત્યાં હાજર લોકોએ તેમના પર રૂપિયાનો વરસાદ કર્યો હતો. ખાસ છે કે, લોકસભાની ચૂંટણી ગુજરાતમાં 7 મેના રોજ યોજાઈ રહી છે. એવામાં ઉમેદવાર મતદારોને રીઝવવા માટે અથાગ પ્રયાસો કરી રહ્યા છે. એવામાં ઋત્વિક મકવાણા પણ ધાર્મિક કાર્યક્રમમાં હાજરી આપવા પહોંચ્યા હતા તેનો વીડિયો વાઈરલ થયો છે.
આ પણ વાંચો
ADVERTISEMENT
ADVERTISEMENT