કોંગ્રેસના ઉમેદવારે માતાજીના માંડવામાં ધુણતા ધુણતા સાંકળ મારી, લોકોએ કર્યો રૂપિયાનો વરસાદ

ઋત્વિક મકવાણાએ પીઠ પર સાંકળો મારી

વિગતો મુજબ, લીંબલી ગામમાં શેખવાહાપીર દાદાની પુણ્યતિથિનો કાર્યક્રમ યોજવામાં આવ્યો હતો. આ દરમિયાન ડાયરાનું આયોજન કરાયું હતું. જેમાં કોંગ્રેસના ઉમેદવાર ઋત્વિક મકવાણા પર હાજર રહ્યા હતા. કાર્યક્રમમાં હાજર ઋત્વિક મકવાણાએ ધુણતા ધુણતા પોતાની પીઠ પર સાંકળો મારી હતી. આ દરમિયાન ત્યાં હાજર લોકોએ તેમના પર રૂપિયાનો વરસાદ કર્યો હતો. ખાસ છે કે, લોકસભાની ચૂંટણી ગુજરાતમાં 7 મેના રોજ યોજાઈ રહી છે. એવામાં ઉમેદવાર મતદારોને રીઝવવા માટે અથાગ પ્રયાસો કરી રહ્યા છે. એવામાં ઋત્વિક મકવાણા પણ ધાર્મિક કાર્યક્રમમાં હાજરી આપવા પહોંચ્યા હતા તેનો વીડિયો વાઈરલ થયો છે.