ખંભાળિયામાં ભાજપના કાર્યક્રમમાં ક્ષત્રિયોએ લગાવ્યા 'રૂપાલા હટાવો'ના નારા, ખુરશીઓ ઊંધી કરી

Parshottam Rupala Controversy: રાજકોટ લોકસભા બેઠક પરથી ભાજપના ઉમેદવાર પરષોત્તમ રૂપાલાની ટિકિટ રદ કરવા ક્ષત્રિયો દ્વારા સતત વિરોધ કરવામાં આવી રહ્યો છે. જોકે હજુ સુધી ભાજપ દ્વારા આ અંગે નિર્ણય લેવામાં આવ્યો નથી એવામાં ક્ષત્રિય સમાજના ભારે રોષ છે. વાત હવે જૌહર સુધી પહોંચી ગઈ છે. આ વચ્ચે દ્વારકાના જામ ખંભાળિયામાં ભાજપના કાર્યક્રમમાં ક્ષત્રિયોએ કાળા વાવટા ફરકાવીને વિરોધ નોંધાવ્યો હતો. ખાસ વાત એ છે કે આ કાર્યક્રમમાં ભાજપ પ્રદેશ પ્રમુખ સી.આર પાટીલ પણ હાજર હતા.