Politics: બનાસકાંઠા જિલ્લામાં કોંગ્રેસને વધુ એક ઝટકો, ડીડી રાજપૂતના રાજીનામાથી પાર્ટીમાં મોટું ગાબડું

Banaskantha Lok Sabha Seat: લોકસભા ચૂંટણી નજીક છે એવામાં પક્ષોમાં નારાજગીના સૂર જોવા મળી રહ્યા છે. એક બાજુ કેટલાક ભાજપના ઉમેદવારનો વિરોધ થઈ રહ્યો છે તો બીજી તરફ કોંગ્રેસમાં રાજીનામાનો દોર યથવત છે. એવામાં બનાસકાંઠામાં કોંગ્રેસમાં વધુ એક વાર ભંગાણ પડ્યુ છે. બનાસકાંઠા કોંગ્રેસના પીઢ નેતાએ આજે રાજીનામું ધરી દેતા ગેનીબેન ઠાકોરની મુશ્કેલી વધી શકે છે.  પ્રદેશ કોંગ્રેસના મહામંત્રી અને રાજપૂત સમાજના પીઢ આગેવાન ડી.ડી.રાજપૂતે કોંગ્રેસ પક્ષ છોડી સૌને ચોકાવ્યા છે. ડી.ડી.રાજપૂત 2017 ની વિધાનસભા ચૂંટણીમાં થરાદ બેઠક પરથી કોંગ્રેસના ઉમેદવાર હતા.