'અમે 10 વર્ષમાં જે કર્યું છે, જે કોંગ્રેસ 55 વર્ષમાં કરી શકી નથી', ચૂંટણી પહેલા અમિત શાહનું Exclusive Interview

Gujarat Tak

ગૃહમંત્રી અમિત શાહનું Exclusive Interview

Amit Shah Exclusive Interview: લોકસભાની ચૂંટણી પહેલા ગૃહમંત્રી અમિત શાહે Aaj Tak સાથે એક્સક્લુઝીવલી વાત કરી હતી. આ દરમિયાન તેમણે ઘણા સવાલોના સચોટ જવાબ આપ્યા હતા. કેન્દ્રીય ગૃહમંત્રી અમિત શાહે કહ્યું કે, પીએમ મોદીએ છેલ્લા 10 વર્ષમાં દેશને ભ્રષ્ટાચારની ગર્તામાંથી બહાર કાઢ્યો.આજે દરેક ગરીબને સુવિધાઓ મળી રહી છે.

આ ચૂંટણીમાં NDA 400થી વધુ બેઠકો જીતશે

તેમણે કહ્યું કે, પીએમ મોદીએ અગાઉ જ કહ્યું છે કે જ્યારે આઝાદીના 100 વર્ષ પૂરા થશે ત્યારે દેશ સંપૂર્ણ રીતે વિકસિત અને આત્મનિર્ભર બનશે. આ ચૂંટણીમાં દેશની જનતા ફરી એકવાર પીએમમાં આ સંકલ્પને પૂર્ણ કરવા માટે વિશ્વાસ વ્યક્ત કરશે. પીએમ મોદીની ગેરંટી પર દેશને વિશ્વાસ છે. આ ચૂંટણીમાં NDA 400થી વધુ બેઠકો જીતશે.

અમિત શાહે UCC પર શું કહ્યું?

Aaj Tak સાથે એક્સક્લુઝીવલી વાત કરતા અમિત શાહે કહ્યું કે, PM મોદી દેશના મોટા નેતા બનવા માટે જમીન પરથી ઊભા થઈને આવ્યા છે. નેતાના નેતૃત્વમાં જ પક્ષ આગળ વધે છે. તેમણે કહ્યું કે જનસંઘની સ્થાપનાથી અમે સમાન નાગરિક સંહિતાની વાત કરી રહ્યા છીએ અને તેને લાગુ કરવાનો સમય આવી ગયો છે. ભાજપ સરકારે ઉત્તરાખંડમાં UCC લાગુ કર્યું છે. અમે અમારા સંકલ્પ પત્રમાં પણ આ મુદ્દો મૂક્યો છે. અમે સમગ્ર દેશમાં સમાન નાગરિક સંહિતા લાગુ કરીશું. કેન્દ્રીય ગૃહમંત્રીએ કહ્યું કે કોંગ્રેસ તુષ્ટિકરણની રાજનીતિ કરે છે. દુનિયાના કોઈપણ લોકતાંત્રિક દેશમાં પર્સનલ લો નથી, ઘણા મુસ્લિમ દેશો પણ શરિયા કાયદાનું પાલન નથી કરી રહ્યા. જમાનો આગળ વધ્યો છે. ભારતે પણ આગળ વધવું પડશે.

વન નેશન વન ઈલેક્શનના મુદ્દે પણ કરી વાત

વન નેશન વન ઈલેક્શનના મુદ્દે અમિત શાહે કહ્યું કે, આ કોઈ નવો વિચાર નથી. આ દેશમાં બે દાયકાથી વન નેશન અને વન ઈલેક્શનના આધારે ચૂંટણીઓ યોજાઈ રહી છે. 1957ની ચૂંટણીમાં 7 વિધાનસભા માટે અલગ-અલગ ચૂંટણીઓ યોજાઈ હતી. જેનું આયોજન ચૂંટણી પંચ દ્વારા એકસાથે કરવામાં આવ્યું હતું. ઈન્દિરા ગાંધીએ 1971 માં મધ્યસત્ર ચૂંટણી કરાવી હતી. જેના કારણે ચૂંટણીના કાર્યક્રમો ખોરવાયા હતા. દેશની જનતાએ નક્કી કરવાનું છે કે આ દેશમાં તમામ વિધાનસભા અને લોકસભાની ચૂંટણીઓ એકસાથે થવી જોઈએ.

અમે 10 વર્ષમાં જે કર્યું છે, જે કોંગ્રેસ 55 વર્ષમાં કરી શકી નથી

આ ઉપરાંત અમિત શાહે કહ્યું કે, પીએમ મોદીએ જીએસટી લાગુ કર્યો, 370 નાબૂદ કરી, રામ મંદિરનું ઉદ્ઘાટન કર્યું, ટ્રિપલ તલાકનો અંત લાવ્યો, વન રેન્ક વન પેન્શન લાગુ કર્યું. માત્ર પીએમ મોદીએ જ દેશને કોરોનાથી બચાવ્યો છે. અમે અમારા મેનિફેસ્ટોમાં ઉલ્લેખ કર્યો છે કે અમે આગળ કયા મોટા નિર્ણયો લઈશું. અમે 10 વર્ષમાં જે કર્યું છે, જે કોંગ્રેસ 55 વર્ષમાં કરી શકી નથી. કોંગ્રેસ માત્ર ગરીબી હટાવોનો નારો આપતી રહી અને પીએમ મોદીએ 25 કરોડ લોકોને ગરીબીમાંથી બહાર કાઢ્યા.