સુરતમાં અડધી રાત્રે પ્રેમિકાને મળવાનું પ્રેમીને ભારે પડ્યું, ભાઈઓ-કાકાએ ઢોર માર મારતા મોત

Surat Crime News: સુરતના વરાછામાં સંબંધીના ત્યાં રાકાયેલી પ્રેમિકાને મળવા જતા રત્નકલાકાર યુવકને ઢોર માર મારતા મોત નિપજ્યું હતું. યુવક પ્રેમિકા સાથે બંધ રૂમમાં ઝડપાઈ ગયો હતો. જે બાદ પ્રેમિકાના ભાઈ, કાકા અને પિતરાઈ ભાઈએ મળીને તેને ઢોર માર માર્યો હતો. આથી યુવકને ઈજાગ્રસ્ત હાલતમાં સારવાર માટે હોસ્પિટલમાં ખસેડવામાં આવ્યો હતો. જોકે ફરજ પરના તબીબોએ તેને મૃત જાહેર કર્યો હતો. ઘટના અંગે પોલીસે 3 લોકો સામે હત્યાનો ગુનો નોંધીને ધરપકડ કરી લીધી છે.