Ahmedabad: હવે બાળકોએ આકરા તાપમાં સ્કૂલે નહીં જવું પડે, AMCએ 425 શાળાઓનો સમય બદલ્યો

Ahmedabad News: એપ્રિલ મહિનો શરૂ થઈ ગયો છે. ત્યારે આ દિવસોમાં અમદાવાદ સહિત સમગ્ર ગુજરાત ગરમ ભઠ્ઠીમાં ફરેવાઈ ગયું છે. રાજ્યમાં સતત ગરમીનો પારો ઉપરને ઉપર જઈ રહ્યો છે અને દિવસ દરમિયાન ગરમ પવનની સાથે રાતે પણ ગરમ પવન ફૂંકાઈ રહ્યા છે. તેમાં પણ ગુજરાતની આર્થિક રાજધાની ગણાતા અમદાવાદમાં ગરમીએ રીતસરનો હાહાકાર મચાવ્યો છે. આકરા તાપથી બચવા માટે અમદાવાદીઓ ઠંડું પાણી, લીંબુ પાણી, છાશ, શેરડીનો રસ જેવા પ્રવાહી પદાર્શોનું સેવન કરી રહ્યા છે.