Zomato માં હવે ઓર્ડર મોંઘો પડશે! દરેક ફૂડ ઓર્ડર પર આટલો વધારે ચાર્જ ચૂકવો પડશે

પ્લેટફોર્મ ફીમાં 25%નો વધારો

ઓનલાઈન ફૂડ ડિલિવરી પ્લેટફોર્મ Zomato એ તેની પ્લેટફોર્મ ફી 25 ટકા (Zomato Hike Platform Fee) વધારીને જેના કારણે 5 રૂપિયા પ્રતિ ઓર્ડરનો વધારો જોવા મળશે. પ્લેટફોર્મ ફી એક ફ્લેટ ફી છે જે ફૂડ ડિલિવરી કંપનીઓ તમામ ઓર્ડર પર સંબંધિત ગ્રાહકોને વસૂલે છે. એટલે કે Zomato ના આ નિર્ણય બાદ હવે કંપની પાસેથી ઓનલાઈન ફૂડ ઓર્ડર કરવું મોંઘું થઈ જશે અને તમારે દરેક ઓર્ડર પર 5 રૂપિયા વધારાના ખર્ચવા પડશે.

પ્લેટફોર્મ ફીમાં સતત વધારો 

બિઝનેસ ટુડેના અહેવાલ મુજબ, Zomato એ ગયા વર્ષે ઓગસ્ટ 2023માં 2 રૂપિયાની પ્લેટફોર્મ ફી રજૂ કરી હતી અને બાદમાં તેના માર્જિનમાં સુધારો કરવા અને વધુ નફો મેળવવા માટે આ ફી 2 રૂપિયાથી વધારીને 3 રૂપિયા કરવામાં આવી હતી. 

Anand News: ઉમરેઠ નગરપાલિકાએ વિરોધનો બદલો લીધો? ક્ષત્રિય યુવાનો મોટો આરોપ

Zomato ની આ સેવા બંધ કરી દેવામાં આવી છે

પ્લેટફોર્મ ચાર્જમાં આ 25 ટકાનો વધારો Zomato દ્વારા માર્ચ ક્વાર્ટરના નાણાકીય પરિણામોની જાહેરાતના એક અઠવાડિયા પહેલા કરવામાં આવ્યો છે. ગ્રાહકો પર બોજ વધારવાના નિર્ણયની સાથે, કંપનીએ તેની ઇન્ટર-સિટી ફૂડ ડિલિવરી સેવા ઇન્ટરસિટી લિજેન્ડ્સ (Zomato Intercity Legends) પણ સ્થગિત કરી દીધી છે. 

લંડનમાં આવેલા 592 કરોડના આ 'મહેલ'માં યોજાશે અનંત-રાધિકાના લગ્ન, 3 દિવસ સુધી ચાલશે ભવ્ય સેલિબ્રેશન

Zomato ના શેરમાં 5 ટકાનો ઉછાળો

ભારતમાં ઓનલાઈન ફૂડ ડિલિવરી માર્કેટમાં Zomato એક મોટી ખેલાડી છે અને કંપનીના આંકડા આનું ઉદાહરણ છે. ઝોમેટો વાર્ષિક આશરે 85-90 કરોડ ઓર્ડર પૂરા કરે છે. Zomatoએ ડિસેમ્બર ક્વાર્ટરમાં એડજસ્ટેડ રેવન્યુમાં વાર્ષિક ધોરણે 30 ટકા વૃદ્ધિ નોંધાવી છે. આ સાથે તમને જણાવી દઈએ કે ઝોમેટોના શેરમાં તેજીનો ટ્રેન્ડ ચાલુ છે. સોમવારે શેરબજાર ખુલતાની સાથે જ કંપનીના શેરમાં લગભગ 5 ટકાનો ઉછાળો આવ્યો અને તે 197.70 રૂપિયાના સ્તરે પહોંચી ગયો. કંપનીનું માર્કેટ કેપ 1.66 લાખ કરોડ રૂપિયા છે.

(નોંધ- શેરબજારમાં કોઈપણ રોકાણ કરતા પહેલા, તમારા બજાર નિષ્ણાતોની સલાહ ચોક્કસ લો.)