stock Market: ચૂંટણી વચ્ચે શેરબજારે રચ્યો ઈતિહાસ, નિફ્ટી ઓલ ટાઇમ હાઇ પર, રોકાણકારોને મોજે દરિયા!

stock Market update: લોકસભા ચૂંટણી 2024 વચ્ચે ગુરુવારે એટલે કે આજે શેરબજારમાં જબરદસ્ત ઉછાળો જોવા મળ્યો છે. આજે ઈતિહાસ રચતા નિફ્ટી ઓલ ટાઈમ હાઈ પર પહોંચ્યો છે. ઈન્ટ્રાડે દરમિયાન નિફ્ટી 22,806.20ના સ્તરને સ્પર્શ્યો હતો.

છેલ્લા ત્રણ ટ્રેડિંગ દિવસોથી શેરબજારમાં મંદી

છેલ્લા ત્રણ ટ્રેડિંગ દિવસોથી શેરબજારમાં મંદી જોવા મળી હતી, પરંતુ ગુરુવારે ફરી એકવાર બજાર વધવા લાગ્યું. ધીમી શરૂઆત બાદ અચાનક બોમ્બે સ્ટોક એક્સચેન્જના સેન્સેક્સ અને નેશનલ સ્ટોક એક્સચેન્જના નિફ્ટીમાં જોરદાર ઉછાળો આવ્યો છે. બીએસઈનો 30 શેરનો સેન્સેક્સ બુધવારે 74,221 પર બંધ થયો હતો અને ગુરુવારે 74,253 પર ખુલ્યો હતો. પછી અચાનક આ ઇન્ડેક્સ વધવા લાગ્યો અને 11.30 વાગ્યે તે 444.23 પોઈન્ટ ઉછળીને 74,665.29 ના સ્તરે ટ્રેડ થવા લાગ્યો.

Go Digit ના IPO નું ઠંડુ લિસ્ટિંગ, પણ વિરાટ-અનુષ્કાને કરોડોનો થયો ફાયદો

નિફ્ટીએ રચ્યો ઈતિહાસ

NSE નો નિફ્ટી 22614 ના સ્તર પર ઉછાળા સાથે ખુલ્યો હતો અને થોડી જ વારમાં તે વેગ પકડીને 22800 ના સ્તરને પાર કરી ગયો હતો. બુધવારે છેલ્લા ટ્રેડિંગ દિવસે નિફ્ટી 22,597.80 ના સ્તર પર બંધ થયો હતો. સેન્સેક્સની વાત કરીએ તો આજના ટ્રેડિંગ દરમિયાન તે 74,991.08 પર પહોંચી ગયો છે. બીએસઈના ટોચના 30 શેરોમાંથી 27 શેરમાં તેજી જોવા મળી છે. એક્સિસ બેન્કે લગભગ 4 ટકાનો ઉછાળો નોંધાવ્યો છે.

આ શેર્સમાં જોરદાર ઉછાળો

નિફ્ટી 50માં અદાણી એન્ટરપ્રાઇઝના શેરમાં સૌથી વધુ 5 ટકાનો વધારો જોવા મળ્યો છે. તે પછી, એક્સિસ બેંક અને એલએન્ડટીના શેરમાં લગભગ 3 ટકાનો ઉછાળો છે, જ્યારે મિડકેપ સેગમેન્ટમાં, રેલ્વે શેરો ફરીથી સત્તામાં છે. RVNLના શેરમાં 8 ટકાનો ઉછાળો જોવા મળી રહ્યો છે. આ સાથે IRFCના શેરમાં 7 ટકાની મજબૂત તેજી જોવા મળી રહી છે.