સૌથી મોટી ઓફરઃ Heroના આ દમદાર સ્કૂટર પર 40 હજારનું ડિસ્કાઉન્ટ, ફૂલ ચાર્જમાં 165km ચાલશે

કિંમત અને ઓફર્સ

કિંમતની વાત કરીએ તો Hero Vida V1 Plusની કિંમત 1,02,700 રૂપિયા છે, જ્યારે Vida V1 Proની કિંમત 1,30,200 રૂપિયા છે. કંપનીના જણાવ્યા અનુસાર, તમને આ મહિને 40,000 રૂપિયા સુધીનો ફાયદો મળી શકે છે. સાથે જ 10,000 રૂપિયાની સબસિડીનો પણ ફાયદો મળશે. આ તમામ ઑફર્સ વિશેની જાણકારી માટે તમારે હીરો ડીલરશિપનો સંપર્ક કરવો પડશે.

બેટરી અને પાવર

Hero Vida V1 Plus માં 3.44 kWhની બેટરી લાગેલી છે. આ સિવાય V1 Pro માં  3.94 kWhનું બેટરી પેક આપવામાં આવ્યું છે. બંને વેરિઅન્ટમાં 6 kWની ઈલેક્ટ્રિક મોટર લાગેલી છે. Vida V1 Plusની ટોપ સ્પીડ 80 kmpl છે. તે ફુલ ચાર્જ પર 143 કિમીનું અંતર કાપી શકે છે. 0-40kmની સ્પીડ પકડવામાં તેને 3.4 સેકન્ડ લાગે છે.

આ સ્કૂટરને એક મિનિટને ચાર્જ કરવા પર 1.2 કિમીનું અંતર કાપી શકે છે. Vida V1 Proની ટોપ સ્પીડ 80 kmpl છે. તે ફુલ ચાર્જ પર 165 કિમીનું અંતર કાપી શકે છે. 0-40kmની સ્પીડ પકડવામાં 3.2 સેકન્ડ લાગે છે. આ સ્કૂટર એક મિનિટ માટે ચાર્જ કરીને 1.2 કિમીનું અંતર કાપી શકે છે.

ફીચર્સ

Vida સ્કૂટરમાં લાગેલી બેટરીને કાઢીને ચાર્જ કરી શકાય છે. એટલું જ નહીં તમે તેને ઘરે જ ચાર્જ કરી શકો છો. ખાસ વાત એ છે કે તમે સ્કૂટરની ટોપ સ્પીડને વધારી શકો છો અને તેને મેક્સિમમ 100 kmph સુધી લઈ જઈ શકો છો. તેમાં 7-ઈચની TFT સ્ક્રીન છે, જે સ્માર્ટ કનેક્ટેડ ફીચર્સ સાથે આવે છે.

Vida એ સ્કૂટરને રિવર્સ આસિસ્ટ, ટુ-વે થ્રોટલ અને ક્વિક ઓવરટેક માટે બૂસ્ટ મોડથી પણ સજ્જ કર્યું છે. કંપની તરફથી પોર્ટેબલ ચાર્જર મળે છે જેની મદદથી તમે તેને ચાર્જ કરી શકો છો. બેટરી પેક પોર્ટેબલ છે, તેથી તેને ઘરે લઈ જઈને ચાર્જ કરી શકાય છે.