મોદીની ટીમમાં રાજનાથ, અમિત શાહ સહિત 30 કેબિનેટ મંત્રી, જુઓ આખી યાદી

Modi Cabinet Ministers List : નરેન્દ્ર મોદીએ ત્રીજી વખત પ્રધાનમંત્રી પદના શપથ લીધા છે. આ સાથે તેઓ દેશના પહેલા પ્રધાનમંત્રી જવાહર લાલ નેહરૂના રેકોર્ડની બરાબરી કરી લીધી છે. કેબિનેટ મંત્રી બનનારા રાજનાથ સિંહ, અમિત શાહ, નીતિન ગડકરી સહિતના અનેક દિગ્ગજોના નામ છે. આમ, નરેન્દ્ર મોદીની ટીમમાં 30 નેતાઓએ કેબિનેટ મંત્રી પદના શપથ લીધા છે.

મોદી સરકારના ત્રીજા કાર્યકાળમાં કેબિનેટ મંત્રી તરીકે શપથ લેનારા મધ્યપ્રદેશના પૂર્વ મુખ્યમંત્રી શિવરાજસિંહ ચૌહાણ, હરિયાણાના પૂર્વ મુખ્યમંત્રી મનોહર લાલ ખટ્ટર, એચડી કુમારસ્વામી, પીયૂષ ગોયલનું નામ સામેલ છે. આ સિવાય ધર્મેન્દ્ર પ્રધાન, જેડીયૂના કોટાથી લલન સિંહ, વીરેન્દ્ર કુમારને પણ કેબિનેટ મંત્રી બનાવાયા છે.

ભાજપના સાથી પક્ષોના આ નેતાઓએ લીધા કેન્દ્રીય મંત્રી પદના શપથ

ભાજપના સાથી પક્ષોમાં મંત્રી પદના શપથ લેનારા અન્ય નેતાઓમાં JLP (રામવિલાસ)ના ચિરાગ પાસવાન અને રાષ્ટ્રીય લોકદળના જયંત ચૌધરી સામેલ હતા. કુમારસ્વામી, માંઝી, રાજીવ રંજન સિંહ, રામ મોહન નાયડૂ, ચિરાગ પાસવાન અને જયંત ચૌધરીએ કેબિનેટ મંત્રી પદના શપથ લીધા. ભાજપના નેતૃત્વ વાળા NDAએ લોકસભા ચૂંટણીમાં ત્રીજી વખત જીત મેળવી છે.

જણાવી દઈએ કે, 4 જૂને આવેલા લોકસભા ચૂંટણીના પરિણામમાં ભાજપ સૌથી મોટી પાર્ટી બની છે. જોકે, બહુમતના આંકડાથી ચૂકી ગઈ, પરંતુ NDAને બહુમત મળ્યું છે. સામાન્ય ચૂંટણીમાં ભાજપને 240 બેઠકો મળી છે, જ્યારે કોંગ્રેસે પોતાના પ્રદર્શનમાં સુધારો કરતા 99 બેઠકો જીતી છે.