ગજબનો આ સ્ટોક! 4 વર્ષમાં રોકાણકારો કરોડ પતિ બન્યા, 1 લાખના રોકાણના 6.41 કરોડ થઈ ગયા

Multibagger Stocks: શેરબજારમાં ઘણા મલ્ટિબેગર સ્ટોક્સ છે, જેણે રોકાણકારોને ટૂંકા સમયમાં માલામાલ બનાવી દીધા છે. જ્યારે કેટલાકે લાંબા ગાળામાં ઉત્તમ વળતર આપ્યું છે. આજે અમે એવા જ એક સ્ટોક વિશે માહિતી આપી રહ્યા છીએ, જેણે લગભગ 4 વર્ષમાં 64,766.44% થી વધુ વળતર આપ્યું છે. આ સમયગાળા દરમિયાન આ શેરે રોકાણકારોને કરોડપતિ બનાવ્યા છે.

અમે Integrated Industries LTD ના શેર વિશે વાત કરી રહ્યા છીએ. આ કંપનીના શેર પાંચ વર્ષ પહેલા 29 માર્ચ 2019ના રોજ 1.46 રૂપિયા પ્રતિ શેરના ભાવે હતા, પરંતુ આજે આ શેર 655 રૂપિયા પર પહોંચી ગયા છે. આ શેરે પાંચ વર્ષ દરમિયાન 44,766.44% વળતર આપ્યું છે. આ સ્ટોક માત્ર એક વર્ષમાં 1,838 ટકા વધ્યો છે.

આ પણ વાંચો: ડભોઈમાં જૂથ અથડામણઃ લાકડી-પાઈપો લઈને એકબીજા પર તૂટી પડ્યા, 12 ઈજાગ્રસ્તો સારવાર હેઠળ

છ મહિનામાં આવક ડબલ થઈ

ઈન્ટિગ્રેટેડ ઈન્ડસ્ટ્રીઝના શેરોએ છેલ્લા છ મહિનામાં 144 ટકા વળતર આપ્યું છે, જેનો અર્થ છે કે જો કોઈ વ્યક્તિએ છ મહિના પહેલા આ શેરમાં 1 લાખ રૂપિયાનું રોકાણ કર્યું હોત તો આજે તેની રકમ 2.44 લાખ રૂપિયા થઈ ગઈ હોત. આ શેરે એક મહિનામાં 17.59% વળતર આપ્યું છે, જ્યારે જાન્યુઆરીથી અત્યાર સુધીમાં 45% વળતર આપ્યું છે. આ કંપનીનું માર્કેટ કેપ 627 કરોડ રૂપિયા છે. તેનું 52 સપ્તાહનું હાઈ લેવલ રૂ. 677 અને લો લેવલ રૂ. 32.20 છે.

રોકાણકાર કરોડપતિ બની ગયો

11 ડિસેમ્બર, 2020 ના રોજ, આ સ્ટોક પ્રતિ શેર 1 રૂપિયા હતો. કોવિડ પછી, તેના શેર્સમાં અદભૂત વધારો જોવા મળ્યો. છેલ્લા ચાર વર્ષમાં આ શેરે 64,120 ટકાનું વળતર આપ્યું છે. આવી સ્થિતિમાં, જો કોઈએ આ સ્ટોકમાં 1 લાખ રૂપિયાનું રોકાણ કર્યું હોત તો આજે તેના 1 લાખ રૂપિયા 6.41 કરોડ થઈ ગયા હોત. ગુરુવારે તેનો શેર રૂ. 655 પર બંધ થયો હતો.

આ પણ વાંચો: વકીલ પાસે છૂટાછેડા માટે ગયેલી મહિલા પર વકીલે બળાત્કાર કર્યો અને પછી...

એક વર્ષમાં 19 ગણી વધુ રકમ

13 માર્ચ, 2023 ના રોજ, આ સ્ટોક 33 રૂપિયા પ્રતિ શેર પર હતો, પરંતુ આજે તે 19 ગણો વધીને 655 રૂપિયા થઈ ગયો છે. આ શેરે એક વર્ષમાં 1,838 ટકાનું વળતર આપ્યું છે. આવી સ્થિતિમાં, 50 હજાર રૂપિયાનું રોકાણ કરનાર રોકાણકારને 9 લાખ રૂપિયાથી વધુની આવક થઈ હશે.
 
(નોંધ- શેરબજારમાં કોઈપણ રોકાણ કરતા પહેલા, તમારા માર્કેટ નિષ્ણાતોની સલાહ ચોક્કસ લો.)