World Cup 2023: શુભમન ગિલને ડેગ્યૂ થયો, ઓસ્ટ્રેલિયા સામેની પહેલી મેચમાં મેદાન પર ઉતરવું મુશ્કેલ

ગુરુવારે ટીમના પ્રેક્ટિસ સેશનમાં નહોતો આવ્યો ગિલ

ધ ઈન્ડિયન એક્સપ્રેસની રિપોર્ટ મુજબ, ભારતીય ટીમ રવિવારે ચેન્નઈમાં ઓસ્ટ્રેલિયા સામે વર્લ્ડકપની પોતાની પહેલી મેચમાં સ્ટાર બેટ્સમેન શુભમન ગિલ વિના મેદાન પર ઉતરી શકે છે. જાણવા મળ્યું છે કે, ગુરુવારે ચેન્નઈના એમ.એ ચિદમ્બરમ સ્ટેડિયમમાં ટીમના પ્રેક્ટિસ સેશનમાં પણ શુભમન આવ્યો નહોતો. તે ડેન્ગ્યૂ પોઝિટિવ મળી આવ્યો છે અને તેની સારવાર ચાલી રહી છે. સૂત્રો મુજબ, ભારતીય ટીમ મેનેજમેન્ટ ગિલના સ્વાસ્થ્ય પર નજર રાખી રહ્યું છે અને શુક્રવારે વધુ એક ટેસ્ટ બાદ તેની ઉપલબ્ધિ વિશે નિર્ણય કરવામાં આવશે.