વિનેશ ફોગાટ પેરિસ ઓલિમ્પિકમાંથી કેમ થયા ડિસ્ક્વોલિફાય? જાણો કુસ્તીમાં વજનને લઈને શું છે નિયમ

ભારતીય ઓલિમ્પિક સંઘે શું કહ્યું?

ભારતીય કુસ્તીબાજ વિનેશ ફોગાટને વધુ વજન હોવાને કારણે મહિલા કુસ્તી 50 કિગ્રામાંથી ગેરલાયક ઠેરવવામાં આવી હતી, એમ ભારતીય ઓલિમ્પિક સંઘ (IOA) એ જણાવ્યું છે. IOAએ કહ્યું કે, આ અફસોસજનક છે કે ભારતીય ટીમ વિનેશ ફોગાટને મહિલા કુશ્તી 50 કિગ્રા વર્ગમાંથી અયોગ્ય જાહેર કરી રહી છે.  આ સમયે તે વધુ કોઈ ટિપ્પણી કરશે નહીં. ભારતીય ટીમ તમને વિનેશની ગોપનીયતાનું સન્માન કરવાની વિનંતી કરે છે. 

#WATCH | On Indian wrestler Vinesh Phogat's disqualification from #ParisOlympics2024, her uncle Mahavir Phogat says, "I have nothing to say. The entire country has expected Gold... Rules are there but if a wrestler is 50-100 grams overweight they are usually allowed to play. I… pic.twitter.com/h7vfnJ8ZuH

— ANI (@ANI) August 7, 2024

100 ગ્રામ વધારે હતું વજનઃ રિપોર્ટ

રિપોર્ટ્સ અનુસાર, વિનેશ ફોગાટનું વજન નિર્ધારિત ધોરણ કરતા 100 ગ્રામ વધુ હતું. નિયમો અનુસાર, વિનેશ ફોગાટ સિલ્વર મેડલ માટે પણ લાયક રહેશે નહીં. આ પછી 50 કિગ્રા વર્ગમાં માત્ર ગોલ્ડ અને બ્રોન્ઝ મેડલ આપવામાં આવશે.

આખી રાત કરી મહેનતઃ રિપોર્ટ

મીડિયા રિપોર્ટ્સ મુજબ, મંગળવારે રાત્રે વિનેશ ફોગાટનું વજન 50 કિલોની લિમિટથી 2 કિલો વધારે હતું. જોકે તેણે આખી રાત ઊંઘ્યા વગર જોગિંગ, સ્કીપિંગ અને સાયક્લિંગ સહિત વજન ઉતારવા માટે પોતાનાથી બનતા તમામ પ્રયાસો કર્યા. જોકે આજે સવારે વજન ચેક કરતા તે 50 કિલોથી 100 ગ્રામ વધારે આવ્યું હતું.

Heartbreak for India, Vinesh Phogat disqualified ahead of Gold medal match at Paris Olympics

Read @ANI Story | https://t.co/cEKJjDvwEA#VineshPhogat #ParisOlympics2024 #disqualified pic.twitter.com/QWw0AUtnio

— ANI Digital (@ani_digital) August 7, 2024

શું છે નિયમ?

ઓલિમ્પિક નિયમો અનુસાર, પહેલવાનોએ સ્પર્ધાના બંને દિવસે તેમના વજન વર્ગમાં રહેવું જરૂરી છે. જો આમ નહીં થાય તો તેઓને કોઈ પણ સંકોચ વિના ગેરલાયક ઠેરવવામાં આવશે. વજનને લગતા નિયમો અનુસાર, જે દિવસે પણ પહેલવાનની મેચ હોય છે, તે દિવસે તેનું વજન કરવામાં આવે છે. દરેક વજન કેટેગરીની મેચો બે દિવસની અંદર હોય છે, આવી સ્થિતિ જે પહેલવાનો ફાઈનલમાં થવા રેપચેજમાં પહોંચે છે, તેમનું બંને દિવસે વજન કરવાનું હોય છે. પહેલીવાર વજન કરાવતી વખતે પહેલવાન પાસે વજન કરાવવા માટે 30 મિનિટ હોય છે, તેઓ ઈચ્છે એટલી વખત પોતાનું વજન કરાવી શકે છે. આ દરમિયાન એવું પણ જોવા મળે છે કે પહેલવાનને કોઈ સંક્રમિત બીમારી તો નથીને. જે પહેલવાને સતત બીજા દિવસે મેદાનમાં ઉતરવાનું હોય છે, તેમને વજન કરાવવા માટે 15 મિનિટનો સમય છે. યુનાઈટેડ વર્લ્ડ રેસલિંગ (UWW)ના નિયમો અનુસાર, જો કુસ્તીબાજનું વજન નિર્ધારિત વજન કરતાં વધી જાય છે, તો તેને ગેરલાયક ઠેરવવામાં આવે છે.