રોહિત શર્માને મેદાનમાં કેમ આવે છે આટલો ગુસ્સો? શમી અને અય્યરે કર્યો ખુલાસો

મોહમ્મદ શમીએ શું કહ્યું?

CEAT દ્વારા આયોજિત સન્માન સમારોહ કાર્યક્રમમાં ભારતીય ટીમના અનુભવી ફાસ્ટ બોલર મોહમ્મદ શમીએ રોહિત શર્માને લઈને મોટો ખુલાસો કર્યો છે. મેદાન પર કેપ્ટનના ગુસ્સા અને રિએક્શન માટે મોહમ્મદ શમીએ કહ્યું કે, 'સૌથી પહેલા મને રોહિત શર્માનું આ કામ બહું ગમે છે કે તેઓ બોલિંગમાં અમને ફૂલ ફ્રીડમ (સ્વતંત્રતા) આપે છે. ત્યારબાદ જો કોઈ ખેલાડી તેમની અપેક્ષાઓ પર ખરતા નથી ઉતરતા તો તેમનું એક્શન બહાર આવવા લાગે છે. તેઓ સમજાવે છે કે આપણે કેવા પ્રયાસો કરવો જોઈએ અને જો આ પછી પણ અમારું પ્રદર્શન સુધરતું નથી તો પછી તમે ટીવી સ્ક્રીન પર જે રિએક્શન જુઓ છો અને કહ્યા વિના સમજી જાવ છો, તે સામે આવવા લાગે છે.'

Shreyas Iyer and Mohammed Shami talking about their captain Rohit Sharma.🥹

The Captain, the leader, the legend @ImRo45 🐐 pic.twitter.com/DmXJ7YaegC

— 𝐑𝐮𝐬𝐡𝐢𝐢𝐢⁴⁵ (@rushiii_12) August 21, 2024

શ્રેયસ અય્યરે શું કહ્યું?

મોહમ્મદ શમીના આ નિવેદન બાદ શ્રેયસ અય્યરે માઈક હાથમાં લઈને કહ્યું કે, આ યોગ્ય વાત છે. શમી ભાઈ સાચું કહી રહ્યા છે. તેઓ ફિલ ઈન ધ બ્લેંક્સ હોય છે. તેઓ જે પણ તે સમયે ઈશારામાં બોલી રહ્યા હોય છે તે પણ સારી રીતે સમજાય જાય છે. પરંતુ ઘણા વર્ષો સુધી રોહિત ભાઈ સાથે રમ્યા બાદ જાણવા મળ્યું કે તેઓ એક સારા લીડર છે અને તેમની અંદર શાનદાર નેતૃત્વ ક્ષમતા છે. 

રોહિત શર્માના જવાબે જીતી લીધું દિલ

મોહમ્મદ શમી અને શ્રેયસ અય્યરના આ નિવેદન પર ભારતીય કેપ્ટને પણ પ્રતિક્રિયા આપી. રોહિત શર્માના જવાબે ત્યાં બેઠેલા તમામ ખેલાડીઓ સહિત BCCI સચિવ જય શાહનું પણ દિલ જીતી લીધું. રોહિત શર્માએ કહ્યું કે, તેઓ જે પણ બીજા માટે એપ્લાય કરે છે, તે જ તેઓ પોતાના માટે પણ કરે છે. બધું કરીને પોતાના સાથી ખેલાડીઓને બતાવે છે.