ટીમ બસમાં આ ખેલાડીને જોતા જ ભડક્યો સૂર્યકુમાર યાદવ, આંગળી બતાવીને ક્લાસ સીધો, VIDEO

ટી20 સીરીઝની પ્રથમ મેચ વરસાદના કારણે રમાઈ શકી ન હતી. બીજી મેચમાં દક્ષિણ આફ્રિકાનો વિજય થયો હતો. ત્રીજી મેચ ભારતના નામે રહી હતી. સૂર્યકુમાર બીજી વખત ટીમ ઈન્ડિયાની કેપ્ટનશીપ કરી રહ્યો હતો. આ પહેલા તેણે ઓસ્ટ્રેલિયા સામે ભારતમાં રમાયેલી પાંચ મેચની T20 સીરીઝમાં ટીમનું સુકાન સંભાળ્યું હતું. ભારતે આ શ્રેણી 4-1થી જીતી લીધી હતી.

અર્શદીપ પર સૂર્યકુમારને ગુસ્સો આવ્યો

આ વાયરલ વીડિયોમાં સૂર્યકુમાર બસમાં ચઢે છે અને પછી હસતાં હસતાં કોઈની સાથે વાત કરે છે. થોડોક આગળ વધતાં જ તેની નજર અર્શદીપ પર પડી. અર્શદીપને જોઈને સૂર્યકુમારનો મૂડ બદલાઈ જાય છે અને તે ગુસ્સામાં દેખાય છે. તે તેની તરફ આંગળી ચીંધે છે અને આંખો કાઢીને ગુસ્સામાં કંઈક કહે છે. થોડીવાર કંઈક બોલ્યા પછી તે આગળ વધે છે. જોકે શરૂઆતમાં વિડિયો જોઈએ તો એ સ્પષ્ટ નથી થતું કે સૂર્યકુમાર કોના પર ગુસ્સે થઈ રહ્યા છે, પરંતુ જેમ જેમ સૂર્યકુમાર વીડિયોમાં આગળ વધે છે, તે સ્પષ્ટ થઈ જાય છે કે તેને અર્શદીપ સિંહ પર ગુસ્સો આવી રહ્યો છે. આ પછી, સૂર્યકુમાર આગળ વધે છે અને અર્શદીપ સિંહની સીટની પાછળની સીટ પર બેસી જાય છે.

Suryakumar Yadav intense reaction to Arshdeep Singh following the third T20I against South Africa 👀#SAvsIND #SuryakumarYadav #CricketTwitter pic.twitter.com/HvYLsyIcKQ

— OneCricket (@OneCricketApp) December 15, 2023

રોહિતની બરાબરી પર પહોંચ્યો સૂર્યા

સૂર્યકુમારે દક્ષિણ આફ્રિકા સામે રમાયેલી છેલ્લી T20 મેચમાં 100 રનની ઇનિંગ રમી હતી. ટી20માં સૂર્યકુમારની આ ચોથી સદી હતી. આ સાથે સૂર્યકુમારે રોહિત શર્મા અને ઓસ્ટ્રેલિયાના ગ્લેન મેક્સવેલની બરાબરી કરી લીધી છે. રોહિત અને મેક્સવેલના નામે T20માં ચાર-ચાર સદી છે.