ભારત સાથે પંગો લેવો પાકિસ્તાનને ફરી ભારે પડ્યો, ચેમ્પિયન્સ ટ્રોફીની મેજબાની છીનવાઈ!

ICC Champion Trophy Host: તાજેતરમાં એશિયા કપની યજમાની પાકિસ્તાન પાસેથી છીનવી લેવામાં આવી હતી. હવે એ લગભગ નિશ્ચિત છે કે પાકિસ્તાન પાસેથી ICC ચેમ્પિયન્સ ટ્રોફી 2025ની યજમાની છીનવી લેવાશે. મીડિયા રિપોર્ટ્સ અનુસાર, જો ભારત સરકારના સ્ટેન્ડમાં કોઈ ફેરફાર નહીં થાય તો આ સ્થિતિમાં ICC ચેમ્પિયન્સ ટ્રોફીનું આયોજન દુબઈમાં કરવામાં આવશે અથવા તો હાઈબ્રિડ મોડલ પર વિચાર કરવામાં આવી શકે છે. વાસ્તવમાં, હાઇબ્રિડ મોડલ હેઠળ, ભારતીય ટીમ તેની મેચ પાકિસ્તાનને બદલે ન્યૂટ્રલ સ્થળ પર રમશે. જો કે, આ ટુર્નામેન્ટની બાકીની ટીમો પાકિસ્તાનની ધરતી પર રમશે, પરંતુ ટીમ ઈન્ડિયા સામેની મેચો ન્યૂટ્રલ સ્થળે રમાશે.