MS Dhoni Craze: અમેરિકામાં જોવા મળી MS Dhoniની દિવાનગી, ડોલાન્ડ ટ્રમ્પની મેજબાનીમાં ‘માહી’ ગોલ્ફ રમ્યો

ટ્રમ્પે ધોની માટે ગોલ્ફનું આયોજન કર્યું

અમેરિકાના ભૂતપૂર્વ રાષ્ટ્રપતિ ડોનાલ્ડ ટ્રમ્પે ધોની માટે ગોલ્ફની રમતનું આયોજન કર્યું હતું. આંતરરાષ્ટ્રીય ક્રિકેટમાંથી સંન્યાસ લીધા બાદ ધોની ગોલ્ફ રમવાનો ઘણો આનંદ લેતો જોવા મળ્યો છે. આ પહેલા ધોનીનો એક વીડિયો પણ સામે આવ્યો હતો જ્યારે તે યુએસ ઓપન 2023માં કાર્લોસ અલ્કારાઝ અને ઝ્વેરેવ વચ્ચેની ક્વાર્ટર ફાઈનલ મેચ જોવા આવ્યો હતો. આ મેચ જીતીને અલકારાઝે સેમિફાઈનલમાં પોતાનું સ્થાન બનાવી લીધું છે.

MS Dhoni playing golf with Donald Trump.

– The craze for Dhoni is huge. pic.twitter.com/fyxCo3lhAQ

— Johns. (@CricCrazyJohns) September 8, 2023

ઘૂંટણમાં ઓપરેશન બાદથી ધોની આરામ પર

આ પહેલા પણ ઘણી વખત ધોનીનો ગોલ્ફ રમતો વીડિયો સામે આવી ચૂક્યો છે. IPLની 16મી સિઝનમાં ચેન્નાઈ સુપર કિંગ્સને વિજેતા બનાવ્યા બાદ ધોનીએ તેના ઘૂંટણનું ઓપરેશન કરાવ્યું હતું. આ પછી, આગામી કેટલાક મહિનાઓ સુધી રિહેબમાં સમય વિતાવ્યા પછી, તે હવે સંપૂર્ણ રીતે ફિટ છે.

ધોનીના નેતૃત્વમાં ભારતીય ટીમે છેલ્લી ICC ટ્રોફી જીતી હતી

વિશ્વ ક્રિકેટમાં કેપ્ટન તરીકે ધોનીની ગણતરી મહાન ખેલાડીઓમાં થાય છે. તેનું સૌથી મોટું કારણ આઈસીસી ઈવેન્ટ્સમાં કેપ્ટન તરીકે તેનું શાનદાર પ્રદર્શન હતું. ભારતીય ટીમે તેની છેલ્લી ICC ટ્રોફી વર્ષ 2013માં ધોનીના નેતૃત્વમાં જીતી હતી. વર્ષ 2011માં જ્યારે ટીમ ઈન્ડિયાએ ઘરઆંગણે ધોનીના નેતૃત્વમાં વનડે વર્લ્ડ કપ રમ્યો ત્યારે તેણે ખિતાબ જીત્યો હતો.