રોડ પરથી કાર ખાઈમાં ખાબકી, Mohammad Shamiએ દેવદૂત બનીને યુવકનો જીવ બચાવ્યો

શમીએ એક વ્યક્તિનો જીવ બચાવ્યો

આ વીડિયો ભારતીય ટીમના સ્ટાર બોલર મોહમ્મદ શમીએ ઈન્સ્ટાગ્રામ પર શેર કર્યો છે. તેમાં સ્પષ્ટપણે જોઈ શકાય છે કે કેવી રીતે એક કાર રસ્તા પરથી ઉતરી ગઈ અને ખાડામાં પલટી ગઈ. શમી પોતે ત્યાં જાય છે અને ખૂબ જ કાળજી સાથે વ્યક્તિને કારમાંથી બહાર કાઢે છે. તે પોતે પણ તેમને તપાસે છે. જો કે, ખાડામાં પડ્યા પછી પણ વ્યક્તિને વધારે ઈજા થતી નથી.

 

View this post on Instagram

 

A post shared by 𝕸𝖔𝖍𝖆𝖒𝖒𝖆𝖉 𝖘𝖍𝖆𝖒𝖎 (@mdshami.11)

વીડિયો શેર કરતી વખતે શમીએ તેના કેપ્શનમાં લખ્યું, ‘તે ખૂબ જ નસીબદાર છે કે ભગવાને તેને બીજી જિંદગી આપી. તેમની કાર નૈનીતાલ પાસે પહાડી રોડ પરથી નીચે આવી. અમે તેમને ખૂબ જ કાળજીપૂર્વક બહાર કાઢ્યા.

શમીનો વર્લ્ડ કપ શાનદાર રહ્યો હતો

ભારતમાં તાજેતરના ICC ODI વર્લ્ડ કપ 2023માં મોહમ્મદ શમીનું પ્રદર્શન શાનદાર રહ્યું હતું. પ્રથમ 4 મેચ ન રમી હોવા છતાં, શમી આ મેગા ICC ઇવેન્ટમાં સૌથી વધુ વિકેટ લેનાર બોલર રહ્યો. તેણે માત્ર 7 મેચમાં 24 વિકેટ ઝડપી હતી. તેની ધારદાર બોલિંગ સમગ્ર ટૂર્નામેન્ટમાં બેટ્સમેનને ખૂબ પરેશાન કર્યા હતા.