હાર્દિક પંડ્યાની જેમ આ ભારતીય ક્રિકેટરોના પણ થઈ ચૂક્યા છે ડિવોર્સ, શમીનો કેસ પેન્ડિંગ

હાર્દિક પંડ્યા

હાર્દિક પંડ્યા અને નતાશાએ તેમના સત્તાવાર ઇન્સ્ટાગ્રામ એકાઉન્ટ્સ પર સંયુક્ત નિવેદનમાં ડિવોર્સનો નિર્ણય જાહેર કર્યો. બંનેના લગ્ન 31 મે 2020ના રોજ થયા હતા અને તેમના પુત્ર અગસ્ત્યનો જન્મ આ વર્ષે 30 જુલાઈના રોજ થયો હતો. તેઓએ 14 ફેબ્રુઆરી 2023 ના રોજ ઉદયપુરમાં એક ભવ્ય સમારંભમાં નજીકના મિત્રો અને પરિવારની હાજરીમાં વિધિપૂર્વક લગ્ન કર્યા. 

શિખર ધવન

એક સમયે રોહિત શર્માના ઓપનિંગ પાર્ટનર રહેલા શિખર ધવનને છૂટાછેડાનું દર્દ સહન કરવું પડ્યું છે. શિખર ધવન તેની પૂર્વ પત્ની આયેશા મુખર્જીને ફેસબુક પર મળ્યો હતો. તેણે 2009માં મેલબોર્નમાં આયેશા મુખર્જી સાથે સગાઈ કરી અને બંનેએ 2012માં લગ્ન કર્યા હતા. આયેશા અને શિખરને 10 વર્ષનો પુત્ર ઝોરાવર ધવન છે. આયેશા તેના પુત્ર સાથે વર્ષો સુધી ઓસ્ટ્રેલિયામાં રહેતી હતી, તેણે ભારત આવવાની ના પાડી અને શિખરને તેના પુત્રથી દૂર રાખ્યો. બંનેના લગ્ન 11 વર્ષ સુધી રહ્યા. 2023માં દિલ્હીની એક કોર્ટે શિખર ધવન અને આયેશાના છૂટાછેડાને મંજૂરી આપી હતી. બંને વચ્ચેના સંબંધોમાં તિરાડ આવી અને ધવને આયેશાને માનસિક ત્રાસના આધારે છૂટાછેડા આપી દીધા હતા. આયેશા અને તેનો પુત્ર જોરાવર ઓસ્ટ્રેલિયાના નાગરિક છે અને ત્યાં રહે છે. દિલ્હી કોર્ટે 2023માં પોતાના નિર્ણયમાં કહ્યું હતું કે આયેશાએ ધવનને વર્ષો સુધી તેના એકમાત્ર પુત્રથી અલગ રહેવા માટે મજબૂર કર્યા અને માનસિક તકલીફ આપી.

મોહમ્મદ શમી (કોર્ટમાં કેસ ચાલી રહ્યો છે)

ભારતીય ફાસ્ટ બોલર મોહમ્મદ શમીએ હસીન જહાં સાથે 2014માં લગ્ન કર્યા હતા. બંનેની પહેલી મુલાકાત IPL દરમિયાન થઈ હતી. હસીન જહાં તે સમયે કોલકાતા નાઈટ રાઈડર્સની ચીયર લીડર હતી. 4 વર્ષ સુધી લગ્ન કર્યા બાદ હસીન જહાંએ 2018માં જાહેરમાં શમી પર અન્ય છોકરીઓ સાથે અફેર અને ઘરેલુ હિંસાનો આરોપ લગાવ્યો હતો. ત્યારથી બંને અલગ-અલગ રહે છે. જો કે બંનેનો મામલો હજુ કોર્ટમાં અટવાયેલો છે. શમીને એક પુત્રી પણ છે, જે હસીન જહાં સાથે રહે છે. તાજેતરમાં જ તેણે તેની પુત્રીને તેના જન્મદિવસની શુભેચ્છા પણ પાઠવી હતી.

મોહમ્મદ અઝહરુદ્દીન

ભારતીય ટીમના કેપ્ટન રહી ચૂકેલા મોહમ્મદ અઝહરુદ્દીને એક નહીં પરંતુ બે વખત તલાક લીધા છે. મોહમ્મદ અઝહરુદ્દીનનું અંગત જીવન વિવાદાસ્પદ રહ્યું છે. અઝહરુદ્દીનના પ્રથમ લગ્ન નૌરીન સાથે થયા હતા, જેની સાથે તેમને બે પુત્રો છે - અસદુદ્દીન અને અયાઝુદ્દીન. 1996માં તેણે નૌરીનને તલાક આપ્યા અને બોલિવૂડ અભિનેત્રી સંગીતા બિજલાની સાથે લગ્ન કર્યા, પરંતુ લગ્નના 14 વર્ષ પછી તેમની સાથે પણ તલાક થઈ ગયા. ત્યારબાદ બેડમિન્ટન ખેલાડી જ્વાલા ગુટ્ટા સાથે લગ્ન કર્યા.

વિનોદ કાંબલી

ભૂતપૂર્વ ભારતીય બેટ્સમેન વિનોદ કાંબલીએ 1998માં તેની બાળપણની મિત્ર નોએલા લુઈસ સાથે લગ્ન કર્યા હતા. તેમના પર તેમની પત્ની સાથે મારપીટ અને ત્રાસ આપવાનો આરોપ હતો. ત્યારબાદ બંનેના સંબંધો 2005માં તૂટી ગયા અને વિનોદ કાંબલીએ ભૂતપૂર્વ મોડલ એન્ડ્રીયા હેવિટ સાથે લગ્ન કર્યા, જેના માટે તેણે ખ્રિસ્તી ધર્મ પણ અપનાવ્યો. તેમને બે પુત્ર અને એક પુત્રી છે.

દિનેશ કાર્તિક

દિનેશ કાર્તિકે પહેલા તેની બાળપણની મિત્ર નિકિતા વણઝારા સાથે લગ્ન કર્યા હતા. બંનેએ 2012માં લગ્ન કર્યા હતા. પરંતુ બાદમાં નિકિતાનું દિનેશના મિત્ર મુરલી વિજય સાથે અફેર હતું, જેના કારણે વિવાદ થયો હતો. ત્યારબાદ દિનેશ અને નિકિતાના છૂટાછેડા થઈ ગયા.

મનોજ પ્રભાકર

પૂર્વ ક્રિકેટર મનોજ પ્રભાકરે પહેલા તેની પ્રથમ પત્ની સંધ્યા સાથે લગ્ન કર્યા હતા. લાંબી કાનૂની લડાઈ બાદ 2013માં બંનેએ છૂટાછેડા લીધા હતા. સંધ્યાએ મનોજ પર દહેજ અને ઉત્પીડનનો આરોપ લગાવ્યો હતો. બાદમાં મનોજ પ્રભાકરે અભિનેત્રી ફરહીન સાથે લગ્ન કર્યા.

જવાગલ શ્રીનાથ

જવાગલ શ્રીનાથ ભારતના ફાસ્ટ બોલર રહી ચૂક્યા છે. હાલમાં, તે ICC માટે મેચ રેફરી તરીકે કામ કરે છે. તેણે 1999 માં જ્યોસ્ના સાથે લગ્ન કર્યા, પરંતુ 2007 માં 8 વર્ષ પછી છૂટાછેડા થઈ ગયા. માત્ર એક વર્ષ પછી તેણે પત્રકાર માધવી પતરાવલી સાથે લગ્ન કર્યા.