સ્કૂલ ડ્રેસમાં વિદ્યાર્થિનીએ જસપ્રીમ બુમરાહની બોલિંગ દિટ્ટો કોપી કરી, VIDEOએ સૌ કોઈનું દિલ જીત્યું

Jasprit Bumrah Bowling: ટીમ ઈન્ડિયાના સ્ટાર બોલર જસપ્રીત બુમરાહથી દુનિયાનો દરેક બેટ્સમેન ડરે છે. તેનો યોર્કર બેટ્સમેોનો ઉડાડતું જોવા મળે છે. બુમરાહની અનોખી બોલિંગ એક્શન પણ આખી દુનિયામાં ફેમસ છે. ઘણા બોલરો બુમરાહની બોલિંગ એક્શનની નકલ કરવાનો પ્રયાસ કરે છે. હાલમાં જ કેટલાક ખેલાડીઓ તેની જેમ બોલિંગ કરવાનો પ્રયાસ કરતા જોવા મળ્યા હતા, પરંતુ તમે પહેલા ક્યારેય બુમરાહ જેવી બોલિંગ કરતી છોકરીને જોઈ છે? હાલના દિવસોમાં એક સ્કૂલ ગર્લનો વીડિયો ઝડપથી વાયરલ થઈ રહ્યો છે, જેમાં તે બુમરાહની જેમ બોલિંગ કરતી જોવા મળી રહી છે.

શાનદાર બોલિંગથી દંગ રહી ગયો

ઈન્ટરનેટ પર વાયરલ થઈ રહેલા એક વીડિયોમાં જોઈ શકાય છે કે એક સ્કૂલની છોકરી નેટમાં બોલિંગ કરતી જોવા મળી રહી છે. સ્કુલ યુનિફોર્મમાં ચશ્મા પહેરીને દેખાતી વિદ્યાર્થિની બુમરાહની જેમ જ દોડે છે અને તે જ રીતે બોલિંગ કરે છે. બેટ્સમેન પણ તેના શાનદાર યોર્કરથી ચોંકી થાય છે. આ વીડિયોને ઘણા યુઝર્સ દ્વારા શેર કરવામાં આવ્યો છે.

BCCIને કરાઈ માંગણી

વીડિયો સામે આવ્યા બાદ, ઘણા યુઝર્સે બોર્ડ ઓફ કંટ્રોલ ફોર ક્રિકેટ ઈન ઈન્ડિયા (BCCI) પાસે તેનું ગ્રૂમિંગ કરવાની માંગ શરૂ કરી છે. ફેન્સનું કહેવું છે કે જો આવી પ્રતિભાને વિકસાવવાની તક આપવામાં આવે તો તે એક દિવસ ભારત માટે ઘણું સારું કામ કરી શકે છે.

Not only boys but Girls have also started Coping Jasprit Bumrah action
BCCI should mentor this Girl 🧒 pic.twitter.com/bbp7n8ecS5
— ICT Fan (@Delphy06) August 17, 2024

T-20 વર્લ્ડ કપમાં બુમરાહનું પ્રદર્શન

તાજેતરમાં યોજાયેલા T-20 વર્લ્ડ કપમાં જસપ્રીત બુમરાહે પોતાના શાનદાર પ્રદર્શનથી વિરોધી ટીમના બેટ્સમેનોને દંગ કરી દીધા હતા. ટીમ ઇન્ડિયા માટે બુમરાહે 8 ઇનિંગ્સમાં 15 વિકેટ લીધી હતી. તે અર્શદીપ સિંહ પછી બીજા નંબરનો સૌથી વધુ વિકેટ લેનાર બોલર બન્યો.

બાંગ્લાદેશ સામે બુમરાહ શંકાસ્પદ

બુમરાહને શ્રીલંકા સામેની ટી-20 અને વનડે શ્રેણીમાંથી આરામ આપવામાં આવ્યો હતો. આવતા મહિને રમાનારી બાંગ્લાદેશ સામેની ટેસ્ટ શ્રેણીમાંથી તેની વાપસી થવાની આશા હતી, પરંતુ એવું કહેવામાં આવી રહ્યું છે કે તેને આ શ્રેણીમાંથી પણ આરામ આપવામાં આવી શકે છે. બુમરાહ ન્યૂઝીલેન્ડ સામેની હોમ સિરીઝમાં વાપસી કરી શકે છે.