ભારતીય ટીમના સ્ટાર પ્લેયરે શરૂ કરી જિંદગીની નવી ‘ઈનિંગ’, તુલસી વિવાહના દિવસે જ લગ્નના બંધનમાં બંધાયો

Navdeep Saini Wedding: ભારતીય ટીમ હાલમાં ઓસ્ટ્રેલિયા સામે પાંચ મેચની T-20 શ્રેણી રમી રહી છે. સૂર્યકુમાર યાદવની કપ્તાનીમાં ભારતે શ્રેણીની શરૂઆત જીત સાથે કરી હતી. આ દરમિયાન, મોડી રાત્રે, ભારતીય ટીમના ઝડપી બોલર નવદીપ સૈનીએ તેના ઇન્સ્ટાગ્રામ એકાઉન્ટ પર લગ્નની તસવીરો પોસ્ટ કરી છે, જેમાં તેણે સ્વાતિને ટેગ કર્યા છે. નવદીપ સૈની અને સ્વાતિએ સાત ફેરા લીધા અને આ લગ્ન હિંદુ રીતિ-રિવાજ મુજબ થયા.

નવદીપે શેર કર્યા લગ્નના ફોટો

નવદીપ સૈની સફેદ રંગની શેરવાનીમાં સ્માર્ટ દેખાઈ રહ્યો છે, તો તેની પત્ની સ્વાતિ પણ સફેદ રંગના લહેંગામાં સુંદર લાગી રહી છે. નવદીપે તસવીર શેર કરતાની સાથે જ મોહમ્મદ સિરાજથી લઈને અર્શદીપ સિંહ સુધીના દરેકે તેના ફોટો પર કોમેન્ટ કરી અને તેને અભિનંદન આપ્યા.

વાસ્તવમાં ટીમ ઈન્ડિયાના ફાસ્ટ બોલર નવદીપ સૈની પોતાની ઝડપી ગતિ માટે જાણીતો છે. 2021થી ટીમ ઈન્ડિયાની બહાર રહેલા નવદીપ સૈનીએ સ્વાતિ નામની યુવતી સાથે લગ્ન કર્યા છે.

કોણ છે નવદીપની પત્ની સ્વાતિ?

સ્વાતિના ઇન્સ્ટાગ્રામ એકાઉન્ટ મુજબ, તે એક ફેશન, ટ્રાવેલ અનેલાઈફસ્ટાઈલ બ્લોગર છે. તેની પાસે એક YouTube ચેનલ પણ છે, જ્યાં તે તેની દૈનિક પ્રવૃત્તિઓ અથવા ટ્રાવેલ વ્લોગર પોસ્ટ કરે છે. તેના ઈન્સ્ટાગ્રામ પેજ પર તેના 80,000 થી વધુ ફોલોઅર્સ છે.

View this post on Instagram

A post shared by Navdeep Saini (@navdeep_saini10_official)

તેણે પોતાના ઇન્સ્ટાગ્રામ એકાઉન્ટ પર લગ્નની તસવીરો શેર કરી છે. તસવીરોની સાથે નવદીપે કેપ્શનમાં લખ્યું છે, તારી સાથે, દરેક દિવસ પ્રેમનો દિવસ છે. તેથી આજે અમે નક્કી કર્યું છે કે અમે કાયમ સાથે રહીશું. અમે અમારા જીવનનો નવો અધ્યાય શરૂ કરીએ ત્યારે તમારા બધાના આશીર્વાદ આમ જ મળતા રહે.

ભારતીય ક્રિકેટરોએ શુભકામના પાઠવી

નવદીપ સૈનીના આ કેપ્શનનો જવાબ આપતાં અર્શદીપ સિંહે લખ્યું- ખૂબ ખૂબ અભિનંદન. આ દરમિયાન અર્શદીપે હાર્ટ ઇમોજી પણ મૂક્યું છે. તેના સિવાય ઉમરાન મલિક, મોહમ્મદ સિરાજ, દેવદત્ત પડિકલે નવદીપને અભિનંદન પાઠવ્યા છે.

IPLમાં નવદીપ સૈનીનું પ્રદર્શન

નવદીપ સૈનીએ વર્ષ 2019માં RCB તરફથી રમતા IPLમાં પ્રવેશ કર્યો હતો. આ પછી, ત્યાં 3 વર્ષ રહ્યા પછી, નવદીપ રાજસ્થાન રોયલ્સ સાથે જોડાયો. નવદીપ સૈનીએ આઈપીએલમાં કુલ 32 મેચ રમી છે, જેમાં તેણે 23 વિકેટ લીધી છે.