આ સુપરસ્ટાર બનશે ભારતનો આગામી T20 કેપ્ટન, 2026 WC સુધી જવાબદારી, હાર્દિક રેસમાંથી બહાર!

ગંભીર-અગરકરે હાર્દિક સાથે વાત કરી?

PTIએ લખ્યું છે કે, ગંભીર અને અગરકર બંનેએ કેપ્ટન બનાવવાની યોજનામાં ફેરફારને લઈને પંડ્યા સાથે 16 જુલાઈની સાંજે વાત કરી હતી. તેને સમજાવવામાં આવ્યું કે, સ્થિરતા પ્રદાન કરવા માટે લાંબા ગાળાનો વિકલ્પ પસંદ કરવામાં આવ્યો છે. 

એક સૂત્રને ઉલ્લેખીને લખાયું છે કે, રોહિત શર્માના કાર્યકાળ દરમિયાન હાર્દિક પંડ્યા વાઇસ કેપ્ટન હતો. તે સંપૂર્ણપણે ફિટ છે અને ત્રણ મેચની T20 શ્રેણી માટે ઉપલબ્ધ છે. તે કેપ્ટનશીપ સંભાળવાનો હતો પરંતુ એવી પ્રબળ સંભાવના છે કે સૂર્યા માત્ર શ્રીલંકા શ્રેણીમાં જ નહીં પરંતુ 2026ના T20 વર્લ્ડ કપ સુધી પણ સંભવિત કેપ્ટન હશે.

કેવી રીતે સૂર્યા કેપ્ટનશિપની રેસમાં આગળ આવ્યો

જ્યારથી સૂર્યા ભારતીય ટીમમાં જોડાયો છે ત્યારથી તે T20 ફોર્મેટમાં સૌથી શક્તિશાળી ખેલાડી તરીકે ઉભરી આવ્યો છે. જૂનમાં T20 વર્લ્ડ કપ સુધી તે આ ફોર્મેટમાં નંબર વન બેટ્સમેન હતો. ઉપરાંત, તેણે નવેમ્બર-ડિસેમ્બર 2023માં ઓસ્ટ્રેલિયા અને દક્ષિણ આફ્રિકા સામે ભારતીય ટીમનું સુકાન સંભાળ્યું હતું. ભારતે આ બંને શ્રેણી જીતી હતી. ગંભીર અને સૂર્યા આ પહેલા પણ સાથે કામ કરી ચુક્યા છે. જ્યારે ગંભીર કોલકાતા નાઈટ રાઈડર્સનો કેપ્ટન હતો ત્યારે સૂર્યા તેની સાથે રમતો હતો. તેણે જ આ બેટ્સમેનને 'SKY' ઉપનામ આપ્યું હતું.